AQSh áskerileri ornalasqan Baǵdadtyń soltústigindegi "Et-Taji" áskeri bazasy reaktivti snariadtarmen atqylandy, – dep habarlady RIA Novosti.
"Et-Taji" áskeri bazasy "Katiýsha" tipti qondyrǵylarmen atqylandy", - dep atap ótti áskeriler.
Sondai-aq, AQSh basqaratyn koalitsiianyń sarbazdary bazany atqylaý saldarynan zardap shekpegeni habarlandy.
Baǵdad mańyndaǵy bazaǵa dúrkindetip atý júiesi arqyly soqqy jasaldy, ázirge shabýyldyń jaýapkershiligin eshkim moinyna alǵan joq.
Amerikanyń Iraktaǵy áskeri bazalaryna birneshe aidan beri shabýyl jasalýda, mundai oqiǵalar qańtar aiynyń basynda AQSh Baǵdad áýejaiynyń janynda Iran áskeri qolbasshysy Kassem Sýleimanidi óltirgennen keiin kúsheie tústi.
Buǵan deiin, 8 qańtarǵa qaraǵan túni Islam revoliýtsiiasy saqshylar korpýsynyń áskerileri Irak aýmaǵynda ornalasqan "Ain-al-Asad" bazasy men Erbildegi áýejaidy atqylady.
