AQSh-tyń Virdjiniia men Vashington shtattaryndaǵy politsiia departamentteri qyzmetkerlerin ákimshilik demalysqa jiberdi, dep habarlaidy «Golos Ameriki» basylymy.
Florida men Niý-Iork órt sóndirý departamentteri de federaldy bilikke 6 qańtarda jurt Kapitoliidi basyp kirgen kezde kei qyzmetkerleri sol jerde bolýy múmkin ekenin habarlady.
Virdjiniianyń Roki-Maýnt qalashyǵyndaǵy politsiia departamenti eki qyzmetkeri jumystan tys ýaqytta Vashingtondaǵy sharaǵa qatysqany anyqtalyp, olardy demalysqa jibergenin habarlady.
«Roki-Maýnt qalasy tolyǵymen sóz bostandyǵyn jáne zańdy túrdegi kez kelgen jiynǵa qyzmetkerleriniń qatysýyn qoldaidy, biraq sol kúni bolǵan zańsyz is-áreketterge kelise almaidy», - dep málimdedi departament.
Sietl politsiia departamenti de eki qyzmetkeriniń bul iske qatysy bar-joǵyn anyqtap jatqandyqtan, olardy ákimshilik demalysqa jibergenin habarlady.
«Eger Kapiitoliige jasalǵan shabýylǵa departament ofitserleri qatysqan bolsa, men olardy dereý jumystan shyǵaramyn», - dep málimdedi departamenttiń ýaqytsha basshysy Adrian Dias.
Niý-Iorktiń órt sóndirý departamenti burynǵy nemese qazirgi qyzmetkerleriniń tártipsizdikke qatysqany týraly «qupiia málimdeme» alǵannan keiin aqparatty FBR-ge jibergenin málimdedi.
Floridadaǵy Senfordtyń órt sóndirý departamenti shabýyl jasaǵan adamdardyń sýretiniń ishinde qyzmetkeriniń de beinesin baiqaǵandyqtan bir órt sóndirýshini ákimshilik demalysqa jibergen.
Senbi kúni jetekshi zań shyǵarýshy-demokrattardyń biri Kapitoliidi qylmys orny dep atap, bailanys operatorlary men áleýmettik jelilerdi tártipsizdikke qatysty barlyq málimetti saqtaýǵa shaqyrdy.
Eske salsaq, 6 qańtarda AQSh kongresi sailaýshylardyń daýsyn eseptep, 2020 jylǵy prezident sailaýynyń qorytyndysyn shyǵarý úshin jinalǵan bolatyn. Osy kúni Donald Tramp jaqtastarynyń jappai narazylyq aktsiiasynan keiin oǵan qatysýshylardyń bir toby kongress ǵimaratyna basyp kirdi.
Donald Tramp osynyń aldynda Vashingtonnyń ortasynda myńdaǵan adam jinalǵan mitingte sóz sóilep, óziniń jeńilgenin moiyndamaitynyn aitqan. Sóitip ózine senetin qaýymdy Kapitolii ǵimaratyna baryp, narazylyq bildirýge shaqyrdy.
Bilik Vashingtonda komendanttyq saǵat engizdi.
