11 jeltoqsanda AQSh-tyń Aýǵanstandaǵy iri aviabazasy Bagram áýejaiynyń mańynda bomba qoiylǵan eki kólik jarylyp, bes adam jaralandy. Bul týraly jergilikti sheneýnikter men NATO ókilderi habarlady.
Bagram aýdanynyń gýbernatory Abdýl Shokýr Kýdosidiń aitýynsha, jarylys Kabýldyń soltústigindegi Ian Kadam eldi mekeninde áýejai mańynda bolǵan. Kýdosidiń aitýynsha, jarylystan keiin qarýly top qaýipsizdik postyna shabýyl jasap, áýejaidyń búlingen dýaly arqyly keshen aýmaǵyna kirip, qaýipsizdik kúshterimen atysqan. Onyń aitýynsha, oqiǵa ornynda atys áli jalǵasyp jatyr.
Ázirge eshbir terroristik top shabýyldy moinyna alǵan joq.
Osyǵan deiin de Aýǵanstanda AQSh jáne NATO-nyń qaýipsizdik kúshterine shabýyl jasalǵan. NATO-ǵa qaraityn missiia ókili "Bagram áýejaiyndaǵy shabýyl baza mańynda turatyn aýǵandyqtarǵa kómek kórsetý úshin salynyp jatqan meditsinalyq mekemege qarsy baǵyttalǵan" dep málimdedi.
