Bir top adam Qazaqstanǵa AQSh-tan halyqaralyq poshta jóneltilimderi arqyly esirtki ákelýge áreket etken, dep habarlaidy "Ult aqparat" Qarjylyq monitoring agenttigine silteme jasap.
Esirtki ózge zat túrinde shtattardan Almaty qalasyna jiberilip, odan ary Astanaǵa jóneltilgen.
"QMA elordalyq departamentiniń qyzmetkerleri esirtki zattaryn odan ári baqylanatyn jetkizýdi júzege asyrdy.
Sarapshynyń qorytyndysyna sáikes, zat esirtki bolyp shyqty. Jalpy salmaǵy 500 gr. bolatyn keptirilgen marihýana.
Sálemdemeni Astana turǵyny alyp, odan ári oraý úshin basqa azamatqa bergen. Atalǵan azamattar sálemdemeni qabyldaý-tapsyrý kezinde ustaldy. Olar ÝUI qamaldy" - delingen habarlamada.
QR QPK-niń 201-babyna sáikes ózge de aqparat jariia etýge jatpaidy.
