Amerikada tanymal baspa Abaidyń kitabyn jaryqqa shyǵarady. Bul týraly jazýshy Rollan Seisenbaev aitty, dep habarlaidy QazAqparat tilshisi.
«Aldaǵy jyly Abai babamyzdyń 175 jyldyǵyn atap ótilmek. Bul úlken toi, iaǵni ol bizdiń mádenietimizdiń, qazaq tiliniń toiy. Abai kitaptary búginde kóptegen shet tilderge aýdaryldy. Kelesi jyly álem klassikteriń qatarynda AQSh-ta uly aqynyń kitabyn jaryqqa shyǵaramyz», - dedi R. Seisenbaev 2020 jyly Abai Qunanbaiulynyń 175 jyldyq mereitoiyn ótkizý jónindegi memlekettik komissiianyń alǵashqy otyrysynyń aldynda.
Onyń sózine qaraǵanda, amerikalyq baspa aǵylshyn tiline aýdarylǵan kitaptyń shyǵýyn ózi qarjylandyrady.
«Álem Abaidy oqyp keledi. Uly oishyldy búkil álemge tanystyrý úshin tiisti jumystardy júrgizý kerek, iaǵni Abai mektebin barsha álemge shyǵarǵan mańyzdy. 1995 jyly Londonda «Abai úiin» ashqan edim. Osyndai úlken ideialarǵa Úkimet bastamashylyq etýi kerek. Búkil álemde Abai mektebi jumys istegen jaǵdaida, qazaqtardy barsha álem biletin bolady», - dedi R. Seisenbaev.
Aita keteiik, búgin QR Premer-Ministriniń orynbasary Gúlshara Ábdiqalyqovanyń tóraǵalyǵymen 2020 jyly qazaq halqynyń uly aqyny, aǵartýshysy Abai Qunanbaiulynyń týǵanyna 175 jyldyq mereitoiyn ótkizý jónindegi memlekettik komissiianyń alǵashqy otyrysy ótti.
Jiyn barysynda halyqaralyq, respýblikalyq jáne óńirlik deńgeidegi 500-ge jýyq túrli shara qamtylǵan Abai Qunanbaiulynyń 175 jyldyq mereitoiyna daiyndalý men ótkizý jónindegi jalpyrespýblikalyq jospardyń jobasy qaraldy.
