AQSh-taǵy shiki munai qorynyń kútken mólsherden artyq ósýine bailanysty sársenbi kúni munai baǵasy tómendedi, dep habarlaidy QazAqparat tilshisi Reuters agenttigine silteme jasap.
Amerikalyq munai institýtynyń salalyq tobynyń málimetterine qaraǵanda, 21 qazan kúni saýda-sattyq AQSh-taǵy shiki munai qorynyń ósýin kórsetti. Ol bir aptada shamamen 4,5 million barrelge ósken. Osyǵan bailanysty jeltoqsandaǵy Brent markaly munai fiýchersteri aldyńǵy sessiiada 26 tsentke óskennen keiin barreline 92,49 dollarǵa deiin 1,03 dollarǵa nemese 1,1%-ǵa arzandady.
West Texas Intermediate (WTI) markaly amerikalyq munaidyń jeltoqsandaǵy fiýchersi 75 tsentke nemese 0,9%-ǵa arzandap, 84,57 dollarǵa deiin tómendep, aldyńǵy sessiianyń ósýin tolyǵymen ózgertti. Óz kezeginde, shiki munai qorynyń ósýi suranysty azaitatyn jahandyq retsessiiaǵa qatysty alańdaýshylyqty kúsheitti.
«Qarasha aiynan bastap OPEK+ óndirisin qysqartý jáne jeltoqsanda kúshine enetin reseilik munaiǵa EO-nyń jańa sanktsiialary baǵaǵa oń áser etýi kerek», - dedi SPI Asset Management basqarýshy seriktesi Stiven Innes.
Óz kezeginde Saýd Arabiiasynyń Energetika ministri Abdel Aziz bin Salman tótenshe jaǵdai qoryndaǵy munai satylymyn synǵa alyp, ony «naryqtardy manipýliatsiialaý» áreketi dep baǵalady. Baiden aldaǵy OPEK+ óndirisin qysqartý AQSh sailaýy qarsańynda janarmai baǵasynyń qymbattaýyna ákelmeýin qamtamasyz etýdi qalaidy. Alaida, prezident SPR-di qoldanǵany úshin qarsylastarynyń synyna ushyrady, nátijesinde amerikalyq rezervtegi munai qory shamamen 400 million barrelge deiin tómendedi - bul 35 jyldaǵy eń tómengi kórsetkish.
