Tehas shtatynyń Iývald qalasynda (AQSh) bolǵan atystan 19 mektep oqýshysy men eki eresek adam qaza tapty. Qaiǵyly oqiǵaǵa qatysty jańa derekter paida boldy, - dep habarlaidy Tengrinews.kz agenttigi Reuters saityna silteme jasap.
Aldyn ala málimet boiynsha, atqyshty qurdastary kiimine bailanysty mazaq etken.
Qala gýbernatory Greg Ebbot oq atqan 18 jastaǵy jergilikti turǵyn ekenin aitty. CNN málimetinshe, qylmysker mektep aýlasyna kólikpen kelip, ǵimaratqa kirip, oq jaýdyrǵan.
Politsiia ókili Pit Arredondo kúdikti jalǵyz bolǵanyn jáne mektepke barar aldynda ájesin atyp óltirgenin aitty.
Atqyshty quqyq qorǵaý organdarynyń qyzmetkerleri arnaiy operatsiia kezinde atyp óltirýge májbúr bolǵan. Atqyshqa oq atqan - Shekara qyzmetiniń agenti.
Associated Press málimetinshe, shabýyl jasalǵan mektepte Shekara qyzmetiniń keibir agentteriniń balalary da oqyǵan.
Amerikalyq BAQ atqyshtyń 18 jastaǵy Salvador Ramos ekenin anyqtaǵan. Ol óziniń týǵan kúnine orai áskeri stildegi eki myltyqty satyp alǵan.
Atqyshtyń dostarynyń aitýynsha, onyń basqa qurdastary Ramosty kigen kiimi men otbasynyń qarjylyq jaǵdaiyna bailanysty mazaq etken. Sonyń saldarynan ol mektepke sirek baratyn bolǵan.
Iývaldtaǵy bastaýysh mektebinde oq atylǵany týraly AQSh prezidenti Djo Baiden de habarlap, tragediia qurbandaryn eske alyp, memlekettik týdy tómen túsirýge buiryq shyǵarǵanyn jetkizdi.
