Foto: Reuters
AQSh-tyń birneshe iri qalacynda liberal kózqarastaǵy myńdaǵan azamat prezident Donald Tramptyń saiasatyna qarsy sherý ótkizdi. Bul — Tramp qyzmetke kiriskennen beri eldegi eń iri ulttyq narazylyq aktsiiasy.
Hands Off ("Qolyńdy tart") qozǵalysynyń uiymdastyrýshylary barlyq 50 shtattaǵy 1200-den astam jerde sherý ótkizýdi josparlaǵan. Senbide Boston, Niý-Iork, Chikago, Los-Andjeles jáne Vashington qalalarynda adamdardyń kóp jinalǵany baiqaldy.
AQSh-tyń iri qalalarynda Trampqa qarsy kóńil kúii basym. Degenmen, sońǵy ailarda mundai ashyq narazylyqtar sirek boldy. Sarapshylar muny liberaldy toptardyń kópjyldyq mádeni soǵystan sharshaýy men depressiiasymen nemese Tramptyń jaýaby kúsh qoldanýǵa ulasýy múmkin degen qorqynyshpen túsindiredi.
Al Tramptyń ózi senbi kúni jurt aldyna shyqqan joq. Ol Mar-a-Lagoda golf oinap, jeksenbide de demalysyn jalǵastyrmaq.
ICE (AQSh-tyń kóshi-qon politsiiasy) basshysynyń mindetin atqarýshy Tom Hoýman Fox News arnasyna bergen suhbatynda sherýshilerge mensinbei qarady:
"Olar bos úidiń aldynda qansha qalasa, sonsha sherý ótkize bersin... Mitingiler eshteńe ózgertpeidi. Birinshi túzetýde kepildik berilgen sóz bostandyǵyn paidalansyn. Biraq bul eshnársege áser etpeidi", — dedi ol.
