Almaty kóshelerinde Amerikada ómir súretin janýar júr. Bul ereshe jaǵdai áleýmettik jelide jariialandy. Ony júrgizýshilerdiń biri kórgen, dep habarlaidy "Ult aqparat".
Kólik aidap kele jatqan adamnyń aldynan tura qashqan janýar shidiń arasyna kirip joq bop ketken.
«Sirek kezdesetin janýardy qala turǵyny tapqan. Janýar kóliktiń aldynan kes-kestep shyqqan. Júrgizýshi tez arada kólikti toqtatyp, videoǵa túsirip úlgergen», - delingen Instagram paraqshasyndaǵy jazbada.
QR Ekologiia jáne geologiia, tabiǵi resýrstar ministrligi bul derekti tekserip jatyr.
«Kireýkei (bronenosets) Ońtústik jáne Soltústik Amerikada ómir súretin sút qorektiler qataryna jatady. Bul janýar Qazaqstanda ómir súrmeidi. Áleýmettik jelide jariialanǵan derekke bailanysty qazir tekserý júrip jatyr», - dedi ministrliktiń baspasóz qyzmetinen.
Aita ketý kerek, 25 maýsymda Mańǵystaý oblysynyń Aqshuqyr aýylynyń jergilikti turǵyndary kóshede júrgen arystandy kórip, dabyl qaqqan bolatyn.
Jyrtqysh janýardy mamandar ustap, tsirkke tabystady.
10 shildede túz taǵysyn zańsyz baqqan Aqtaý turǵynyna qatysty sot úkimi shyqty.
Keiinnen Orman sharýashylyǵy jáne janýarlar álemi baspasóz hatshysy Sáken Dildahmettiń aitýynsha, bul janýar Almaty zoobaǵyna jetkizilgen.
