Aýrýlardy qadaǵalaý jáne aldyn alý ortalyǵynyń vaktsina boiynsha syrtqy keńesshiler toby koronavirýsqa qarsy Novavax vaktsinasyn qoldanýǵa biraýyzdan daýys berdi, dep habarlaidy QazAqparat CBS News-ke silteme jasap.
Ortalyq direktory, doktor Roshel Valenskii AQSh turǵyndarynyń COVID-19 virýsyna qarsy basqa qaýipsiz jáne tiimdi vaktsinaǵa qol jetkizý múmkindigi kóbeigenin málimdedi. Novavax kompaniiasy óz vaktsinasynyń birinshi partiiasy sapaly synaqtan ótkenin jáne aldaǵy kúnderi taratylý úshin AQSh úkimetine jiberiletinin aitty. Novavax – aqýyz negizindegi tehnologiia arqyly shyǵarylǵan vaktsina. Ol immýndyq júiege jándikter jasýshalarynda ósirilgen, onyń aǵzadaǵy tiimdiligin arttyratyn aǵash qabyǵynan alynǵan adiývant degen ingredientpen aralasqan virýstyń bir bóligin beredi.
Novavax óz vaktsinasynyń Pfizer-BioNTech jáne Moderna vaktsinalarymen salystyrǵanda janama áseri az dep sanaidy. Mysaly, synaq júrgizý kezinde dene temperatýrasy kóterilgen jaǵdailar óte sirek boldy.
Omikron nusqasyn qoldanar aldynda júrgizilgen klinikalyq zertteýlerde Novavax-tyń kez kelgen simptomatikalyq koronavirýstyq infektsiialardyń aldyn alýda 90,4% tiimdi bolǵany jáne aýrýdyń ortasha, aýyr jaǵdaiynda 100% tiimdilikke qol jetkizgeni anyqtalǵan.
