AQSh-ta qazaqstandyq áiel óli tabyldy. Aqparatty Syrtqy ister ministrligi rastady, - dep habarlaidy Tengrinews.kz tilshisi.
FOX 9 arnasynyń málimetinshe, 16 aqpanda keshke Sent-Poldyń Pein Falen aýdanyndaǵy pitstseriia mańynda turǵan kólikten oq jaraqaty bar áiel tabylǵan. Ol aýrýhanaǵa jetkizilgen, biraq kóp uzamai qaitys bolǵan.
Sot-meditsinalyq saraptama áiel Sent-Pol turǵyny, 34 jastaǵy Iýliia Li ekenin anyqtaǵan.
Syrtqy ister ministrligi marqum Qazaqstan azamaty ekenin rastady.
"Biyl 16 aqpanda Minnesota shtatynyń Sent-Pol qalasynda Qazaqstan Respýblikasynyń azamaty belgisiz jaǵdaida qaza tapty. Jergilikti politsiia taratqan aqparatqa sáikes, otandasymyz oq jaraqatynan kóliginde qaza bolǵan", - dep QR SIM baspasóz qyzmeti pikir bildirdi.
Politsiia oqiǵanyń mán-jaiyn anyqtap jatqany aityldy.
"Qylmys jasaǵan kúdikti qamaýǵa alyndy. Qazaqstan konsýly marqumnyń týystarymen turaqty bailanysta", - dep tolyqtyrdy vedomstvo ókilderi.
Iýliia Lidiń ólimi týraly aqparat qarýly zorlyq-zombylyq qurbandaryna arnalǵan ulttyq memorial saitynda da jariialanǵan.
