Jánibek Álimhanuly AQSh-ta nokaýtpen jeńgen jeńisinen keiin diskvalifikatsiialandy, dep habarlaidy "Ult aqparat" Sports.kz saityna silteme jasap.
Eske sala keteiik, 10 qazan kúni tańerteń orta salmaqta qazaqstandyq boksshy Jánibek Álimhanuly (9-0, 5 KO) kásibi ringte kezekti jeńisine qol jetkizgen bolatyn. Ol Las-Vegasta Top Rank kompaniiasynyń boks keshinde, ekinshi raýndta Argentina ókili Gonsalo Koriiany (16-4, 6 KO) nokaýtpen jeńgen edi.
Osy aiqastan keiin Nevada shtatynyń Atletikalyq komissiiasy eki boksshyǵa da sharshy alańǵa shyǵýǵa shekteý qoidy. Jánibek biylǵy jyldyń 24 qazanyna deiin judyryqtasa almaidy, al onyń qarsylasy uzaq merzimge, 9 jeltoqsanǵa deiin shettetildi. Bul «diskvalifikatsiia» meditsinalyq sipatqa ie, iaǵni aiqastan keiin boksshylardyń durys qalpyna kelýleri úshin qajet.
