اقش-تا قارسىلاسىن نوكاۋتپەن جەڭگەن جەنٸبەك ەلٸمحانۇلىن ديسكۆاليفيكاتسييالادى

جەنٸبەك ەلٸمحانۇلى اقش-تا نوكاۋتپەن جەڭگەن جەڭٸسٸنەن كەيٸن ديسكۆاليفيكاتسييالاندى, دەپ حابارلايدى "ۇلت اقپارات" Sports.kz سايتىنا سٸلتەمە جاساپ.

ەسكە سالا كەتەيٸك, 10 قازان كٷنٸ تاڭەرتەڭ ورتا سالماقتا قازاقستاندىق بوكسشى جەنٸبەك ەلٸمحانۇلى (9-0, 5 كو) كەسٸبي رينگتە كەزەكتٸ جەڭٸسٸنە قول جەتكٸزگەن بولاتىن. ول لاس-ۆەگاستا Top Rank كومپانيياسىنىڭ بوكس كەشٸندە, ەكٸنشٸ راۋندتا ارگەنتينا ٶكٸلٸ گونسالو كورييانى (16-4, 6 كو) نوكاۋتپەن جەڭگەن ەدٸ.

وسى ايقاستان كەيٸن نەۆادا شتاتىنىڭ اتلەتيكالىق كوميسسيياسى ەكٸ بوكسشىعا دا شارشى الاڭعا شىعۋعا شەكتەۋ قويدى. جەنٸبەك بيىلعى جىلدىڭ 24 قازانىنا دەيٸن جۇدىرىقتاسا المايدى, ال ونىڭ قارسىلاسى ۇزاق مەرزٸمگە, 9 جەلتوقسانعا دەيٸن شەتتەتٸلدٸ. بۇل «ديسكۆاليفيكاتسييا» مەديتسينالىق سيپاتقا يە, ياعني ايقاستان كەيٸن بوكسشىلاردىڭ دۇرىس قالپىنا كەلۋلەرٸ ٷشٸن قاجەت.