AQSh-ta COVID-19 infektsiiasynyń saldarynan bir táýlikte qaitys bolǵan adam sany buryn-sońdy bolmaǵan mejeni kórsetti, dep habarlaidy "Ult aqparat" VAK baspasóz qyzmetine siltememen.
AQSh-ta sońǵy táýlikte COVID-19 infektsiiasynyń saldarynan 3 963 adam qaitys boldy. Bul pandemiia bastalǵannan bergi eń joǵary kórsetkish boldy. Memlekette COVID-19 kesirinen barlyǵy 361 382 adam qaitys boldy, al indetti juqtyrǵandardyń jalpy sany 21,4 millionǵa jetti.
Ulybritaniia biligi aldaǵy kúnderi jańa shekteý sharalaryn engizetinin jariialady. Jalpyulttyq karantinmen qatar elge kirý jáne shyǵýǵa tyiym salynbaq.
Irlandiianyń Ryanair aviakompaniiasy Ulybritaniia men Irlandiia áýejailaryndaǵy reisterdiń sanyn azaitpaq. Qańtar aiynyń sońynan bastap ishki reister múldem oryndalmaýy múmkin nemese olardyń sany kúrt azaitylady.
Germaniiada COVID-19 qarsy ekpe qabyldaǵandardyń sany 417 060 adamǵa jetti. Olardyń kópshiligi ózderiniń kásibi qyzmetine bailanysty vaktsinatsiiadan ótken – olar dárigerler, áleýmettik qyzmetkerler jáne qarttar úileriniń qyzmetkerleri.
