Birneshe Twitter-paraqshany buzǵan jasóspirim haker kámeletke tolmaǵandarǵa arnalǵan koloniiaǵa úsh jylǵa bas bostandyǵynan aiyryldy, - dep habarlaidy Tengrinews.kz Daily Mail basylymyna silteme jasap.
Grem Ivan Klark seriktesterimen birge adamdardy aldaý arqyly bitkoin alý úshin 130 tanymal kompaniia men jeke tulǵanyń Twitter-paraqshasyn buzǵan. 2020 jyldyń 15 shildesinde Twitter-degi buzaqylyqtyń qurbany bolǵandar qatarynda Barak Obama, Djo Baiden, Bill Geits, Ilon Mask, Djeff Bezos jáne Kane Ýest bar.
Olar Apple men Uber-ge tiesili saittardy da buzdy. Keiin Klark barlyǵynyń atynan qoldanýshylarǵa sandyq valiýtadaǵy jinaqtaryn eki ese kóbeitýge ýáde beretin áigili alaiaqtyq shemany jariialai bastaǵan.
Tergeý málimetteri boiynsha, jasóspirim kriptovaliýtada 180 myń dollardan (shamamen 75 million teńge) asa somaǵa bitkoin alǵan. Keiin bul shema anyqtalyp, jabyldy.
Florida shtatynyń prokýratýrasy jasóspirimge qatysty 30 is qozǵady. Qylmys kezinde Klark 17 jasta bolǵan. Bul jazany jeńildetýge kómektesti. Bapta qarastyrylǵan eń tómengi jaza - 10 jylǵa bas bostandyǵynan aiyrý. Klark bolsa 3 jylǵa sottaldy. Túrmede jazasyn óteýden bólek, jasóspirim óziniń barlyq eseptik jazbasyn tapsyrý kerek. Sondai-aq, Klark kompiýterdi tek baqylaýda qoldana alady.
Twitter basshylyǵy bul shabýylǵa qatysty ishki tergeý júrgizip, hakerler telefon arqyly aldaý ádisin qoldanǵanyn anyqtady.
