AQSh-ta bilim alyp jatqan shetel stýdentteri kúzgi semestrde oqý onlain túrde júrgiziletin bolsa óz erkimen elden ketýge májbúr bolady. Bul týraly eldiń Shekara jáne immigratsiia máseleleri boiynsha agenttigi habarlap, tártipke baǵynbaǵandardy deportatsiialaityn aityp qorqytty, dep habarlaidy bbc.com.
Elde koronavirýs juqtyrǵandar sany 2,9 mln-ǵa jetti. Birneshe bedeldi ýniversitet qaýipsizdik maqsatynda kúzgi maýsymda ǵana emes, kelesi jyly tolyǵymen onlain formatta bilim beretinin málimdedi.
Áitpese – deportatsiia
Ózgerister AQSh-ta F-1 jáne M-1 vizasymen júrgenderdiń barlyǵyna qatysty. Vizanyń birinshi túri elde bilim alý úshin halyqaralyq stýdentterge beriledi, ekinshisi – kásibi kýrstarǵa, mysaly biliktiligin arttyrýǵa arnalǵan.
Shekara jáne immigratsiialyq máseleler boiynsha agenttiktiń habarlaýynsha, eger ýniversitet kúzgi semestrde tolyǵymen onlain oqýǵa kóshse, elde qalǵysy kelgen stýdentter qandai da bir qadamǵa barý kerek.
Máselen, sol semestrde onlain júiege kóshpegen basqa JOO-na aýysýyna bolady. Mundai talaptardy oryndamaǵandardy deportatsiialanýy múmkin.
Garvardtyń jaýaby
Álemdegi eń tanymal ýniversitetterdiń biri – Garvard, kúz maýsymynda oqý onlain formatta bolatynyn málimdegen.
Ýniversitet prezidenti Larri Bakoý amerika biliginiń sheshimin orynsyz dep baǵalady.
«Bul sheshim kóp ýniversitettiń úmitin úzdi. Olar jahandyq pandemiia kezinde stýdentter densaýlyǵyn saqtai otyryp oqýyn jalǵastyrý úshin barlyq jaǵdaidy jasaǵan edi», – dedi Bakoý.
Ol Garvard basqa ýniversitettermen birlesip bul máseleni sheshýge, stýdentter deportatsiiadan qoryqpai oqýyn jalǵastyra berýi úshin bar kúshin salýǵa ýáde etti.
Bul alaiaqtyq emes
AQSh-tyń kóshi-qon saiasaty qatal: el buryn da onlain bilim alǵysy kelgenderge viza bermei qoiǵan edi.
«Qazir áńgime uiatsyz ýniversitter nemese alaiaqtyq týraly bolyp turǵan joq. Biz basqa kezderi arnaiy baǵdarlamalarmen stýdentterin oqytatyn iri ýniversitetter týraly aityp otyrmyz», - dedi vashingtondyq Qospartiialyq saiasat saraptama ortalyǵynyń migratsiialyq saiasat sarapshysy Tereza Kardinal Braýn.
Bi-bi-si pikirlesken stýdentter JOO-na shetel stýdentteri bolǵan tiimdi ekenin aitty. Sebebi olar amerikalyqtardan artyq aqsha tóleidi. AQSh saýda ministrliginiń 2018 jylǵy deregi boiynsha, elge shetel stýdentterinen túsetin tabys 45 mlrd dollardy quraǵan.
