AQSh senaty prezident Donald Tramp ákimshiligin Qytaidaǵy túrkitildi musylmandardyń qýdalanýyna qatańyraq jaýap berýge úndeitin zań jobasyn maquldady, dep habarlaidy Azattyq.
Respýblikashyl-senator Mark Rýbio tanystyrǵan ekipartiialyq zań jobasy Qytaida uiǵyrlar men ózge de musylmandardyń qýdalanýyna jaýapty sheneýnikterge sanktsiia salýdy qarastyrady. Buǵan qosa, adam quqyǵynyń buzylýyna septesetin taýarlardyń eksporttalýyna birqatar shekteý qoiady.
Endi zań jobasyn demokrattar basym kópshilik bolyp otyrǵan ókilder palatasy maquldaýy tiis, sodan soń Donald Trampqa qol qoiýǵa jiberiledi. Prezident qujatqa qol qoiýy tiis nemese veto qoiyp qaitarýy kerek.
Qytai Shyńjańda lagerler ashyp, oǵan uiǵyrlar, qazaqtar jáne basqa da musylmandardy qamap jatqany jaily aqparat 2017 jyly tarai bastaǵan. Pekin basynda lagerlerdiń baryn joqqa shyǵaryp, keiin bul jerlerdi "terrorizm men ekstremizmmen kúresetin jáne kásip úiretetin ortalyq" dep sipattaǵan. 2018 jyly BUU "Shyńjańdaǵy lagerlerde bir millionǵa jýyq uiǵyr, qazaq jáne basqa da musylman otyr" dep málimdegen. Qytai "ishki isine aralasqan" AQSh-tyń kez kelgen áreketine jaýap beretinin aityp eskertken.
Tramp Qytaidy koronavirýs týraly aqparatty der kezinde habarlamady dep aiyptap otyrǵan tusta zań jobasy qabyldanyp otyr. Indettiń ekonomikalyq saldary jáne AQSh pen Qytai arasyndaǵy saiasi tartys qańtar aiynda eki el arasynda jasalǵan saýda kelisim-shartyna qaýip tóndirip otyr.
Tramp 14 mamyrda pandemiia AQSh-qa óndiristiń qanshalyqty mańyzdy ekenin kórsetti jáne Qytaidan tasymaldaý tarmaqtaryn alyp ketýdiń mańyzdylyǵyn dáleldedi dedi.
