AQSh artilleriialyq jáne ózge de áskeri tehnikalaryn nemistiń Bremerhafen atty portyna jetkizdi. Ol Polshaǵa, keiin Baltyq mańy elderine Reseimen soǵys úshin NATO áskerin kúsheitý maqsatynda jetkizilgen delinedi. Bul týraly RT telearnasy nemistiń Bundesdeutsche Zeitun basylymyna silteme jasap habarlady.
Býndesver qolbasshylyǵy ókiliniń aitýynsha, 7-16 qańtar aralyǵynda kún saiyn áskeri tehnikanyń úsh quramy jiberilip otyrady. Tasymaldaý úshin 900 vagon qajet bolady, al quramnyń jalpy uzyndyǵy 14 shaqyrymǵa jetedi eken.
"Qurama Shtattary Reseimen soǵysý úshin Germaniiaǵa tankterin jetkizip jatyr", - dep dabyl qaqty nemis basylymy. Keibir málimetter boiynsha, bul qyrǵi-qabaq soǵystan bergi eń iri daiyndyq dep esepteledi.
AQSh, Kanada, Ulybritaniia jáne GFR baltyq mańy elderine shamamen tórt myń áskeridi jóneltedi.
Aita keteiik, YouGov kompaniiasy júrgizgen áleýmettik saýalnamanyń málimetinshe, amerikalyqtardyń 64 paiyzy álem qarýly soǵysqa jaqyndap keletinine senimdi. Al soǵys bolmaidy dep tek 15 paiyzy daýys beripti. AQSh turǵyndary dúniejúzilik soǵysqa sebep dep terrorizm qaýpin, Siriiadaǵy jáne Taiaý Shyǵystaǵy qaqtyǵystardy atapty.
Ulybritaniialyqtardyń arasynda júrgizilgen saýalnama qorytyndysy osyndai nátije berip otyr eken.
