AQSh úkimeti Ýkraina tóńiregindegi oqiǵalarǵa bailanysty reseilik áýekompaniialaryna áýe keńistigin jabý týraly sheshim qabyldady, - dep habarlaidy Tengrinews.kz.
Bul týraly prezident Djo Baiden "eldiń jaǵdaiy týraly" kongreske joldaǵan úndeýinde málimdedi (State of the Union), ol úndeý Amerika basshysynyń Twitter-degi paraqshasynda júrgizildi.
"Búgin men odaqtastarymyzǵa Reseidiń barlyq reisterine amerikalyq áýe keńistigin jaýyp, Reseidi odan ary oqshaýlap, olardyń ekonomikasyna qosymsha qysym jasaitynymyzdy jariialaimyn", - dedi Baiden.
Buǵan qosa, Baiden AQSh áskeri Ýkrainadaǵy reseilik tarappen qaqtyǵysqa qatyspaitynyn aitty.
"Ashyq aitaiyn: bizdiń ásker Ýkrainadaǵy reseilik kúshtermen qaqtyǵysqa qatysqan joq jáne qatyspaidy da", - dedi Aq úi basshysy.
Ol amerikalyq ásker Eýropaǵa Ýkrainada soǵysý úshin emes, Pýtin Batysqa jyljýdy jalǵastyra beretin bolsa, NATO-daǵy odaqtastaryn qorǵaý úshin ornalastyrylǵanyn aitty.
"NATO elderin, sonyń ishinde Polsha, Rýmyniia, Latviia, Litva jáne Estoniiany qorǵaý úshin amerikalyq qurlyq kúshterin, áýe eskadrilialaryn, áskeri-teńiz kúshterin jumyldyrdyq", - dep qosty Amerika prezidenti.
Ol AQSh Ádilet ministrligi reseilik oligarhtardyń qylmystaryn tergeý úshin arnaiy jumys tobyn quryp jatqanyn basa aitty.
"Biz eýropalyq odaqtastarymyzǵa olardyń iahtalaryn, sándi páterlerin, jeke ushaqtaryn taýyp, tárkileý úshin kómektesemiz", - dedi Baiden.
