اقش ٷكٸمەتٸ ۋكراينا تٶڭٸرەگٸندەگٸ وقيعالارعا بايلانىستى رەسەيلٸك ەۋەكومپانييالارىنا ەۋە كەڭٸستٸگٸن جابۋ تۋرالى شەشٸم قابىلدادى, - دەپ حابارلايدى Tengrinews.kz.
بۇل تۋرالى پرەزيدەنت دجو بايدەن "ەلدٸڭ جاعدايى تۋرالى" كونگرەسكە جولداعان ٷندەۋٸندە مەلٸمدەدٸ (State of the Union), ول ٷندەۋ امەريكا باسشىسىنىڭ Twitter-دەگٸ پاراقشاسىندا جٷرگٸزٸلدٸ.
"بٷگٸن مەن وداقتاستارىمىزعا رەسەيدٸڭ بارلىق رەيستەرٸنە امەريكالىق ەۋە كەڭٸستٸگٸن جاۋىپ, رەسەيدٸ ودان ارى وقشاۋلاپ, ولاردىڭ ەكونوميكاسىنا قوسىمشا قىسىم جاسايتىنىمىزدى جارييالايمىن", - دەدٸ بايدەن.
بۇعان قوسا, بايدەن اقش ەسكەرٸ ۋكرايناداعى رەسەيلٸك تاراپپەن قاقتىعىسقا قاتىسپايتىنىن ايتتى.
"اشىق ايتايىن: بٸزدٸڭ ەسكەر ۋكرايناداعى رەسەيلٸك كٷشتەرمەن قاقتىعىسقا قاتىسقان جوق جەنە قاتىسپايدى دا", - دەدٸ اق ٷي باسشىسى.
ول امەريكالىق ەسكەر ەۋروپاعا ۋكراينادا سوعىسۋ ٷشٸن ەمەس, پۋتين باتىسقا جىلجۋدى جالعاستىرا بەرەتٸن بولسا, ناتو-داعى وداقتاستارىن قورعاۋ ٷشٸن ورنالاستىرىلعانىن ايتتى.
"ناتو ەلدەرٸن, سونىڭ ٸشٸندە پولشا, رۋمىنييا, لاتۆييا, ليتۆا جەنە ەستونييانى قورعاۋ ٷشٸن امەريكالىق قۇرلىق كٷشتەرٸن, ەۋە ەسكادريليالارىن, ەسكەري-تەڭٸز كٷشتەرٸن جۇمىلدىردىق", - دەپ قوستى امەريكا پرەزيدەنتٸ.
ول اقش ەدٸلەت مينيسترلٸگٸ رەسەيلٸك وليگارحتاردىڭ قىلمىستارىن تەرگەۋ ٷشٸن ارنايى جۇمىس توبىن قۇرىپ جاتقانىن باسا ايتتى.
"بٸز ەۋروپالىق وداقتاستارىمىزعا ولاردىڭ ياحتالارىن, سەندٸ پەتەرلەرٸن, جەكە ۇشاقتارىن تاۋىپ, تەركٸلەۋ ٷشٸن كٶمەكتەسەمٸز", - دەدٸ بايدەن.
