"Zvezda" zaýytynda turǵan atom súńgýir qaiyǵy
AQSh saýda ministrligi Reseidiń Ýkrainaǵa basqynshylyǵyna bailanysty Resei men Belarýstiń 120 uiymyna eksporttyq sanktsiia salady. Qujat AQSh federaldyq tirkeý saitynda jariialandy, dep habarlaidy Azattyq.
Tizimge qorǵanys, aeroǵarysh jáne teńiz salasymen bailanysty uiymdar engen. Arasynda fizika-optika ólshemderi jónindegi Jalpyreseilik ǵylymi zertteý institýty, Moselektronproekt, "Zvezda" keme qurastyratyn zaýyty, Jýkovskii atyndaǵy aerogidrodinamika institýty jáne ózge mekemeler bar.
Tizimge sonymen birge Belarýs memlekettik qaýipsizdik komitetiniń "Alfa" bólimshesi, Belarýs IIM ishki áskeri jáne Gomel oblystyq atqarý komitetiniń ishki ister basqarmasy da kirgen.
Qujatta bul uiymdar "AQSh ulttyq qaýipsizdigi nemese syrtqy saiasatynyń múddesine qaishy áreket etken" dep kórsetilgen.
Buǵan deiin Amerika biligi tizimge engen uiymdar AQSh-tyń joǵary tehnologiiasyna litsenziiasyz qol jetkize almaityndyǵyn aitqan. Al olardyń litsenziia alý boiynsha ótinishteri kóp jaǵdaida maquldanbaidy.
