Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Saiasat

AQSh Pýtinniń qyzdaryna sanktsiia saldy

Ult portaly
AQSh Pýtinniń qyzdaryna sanktsiia saldy

© Reuters

AQSh prezidenti Djo Baiden Reseige qarsy jańa sanktsiialar paketin engizetinin málimdedi, - dep habarlaidy Tengrinews.kz tilshisi "Golos Ameriki" saityna silteme jasap.

Sanktsiialar Resei basshylyǵyna jáne olardyń otbasyna, onyń ishinde, Resei prezidenti Vladimir Pýtinniń qyzdaryna, syrtqy ister ministri Sergei Lavrovtyń áieli men qyzyna, sondai-aq Resei Qaýipsizdik keńesiniń múshelerine, onyń ishinde burynǵy prezident Dmitrii Medvedev pen premer-ministr Mihail Mishýstinge qatysty bolady.

Reseidegi eń iri qarjy institýttary Sber men Alfa-bank te sanktsiiaǵa ushyrady. Olardyń AQSh qarjy júiesine qatysty barlyq aktivi buǵattalady. Endi amerikalyq kompaniialar men azamattarǵa olarmen biznes jasaýǵa tyiym salynady.

"Osy bir jyl ishinde bizdiń sanktsiialar Resei ekonomikasy sońǵy 15 jylda qosqanynyń bárinen aiyrady. Óitkeni Reseidi jartylai ótkizgishterdi, kvant tehnologiiaǵa arnalǵan quramdastardy importtaý, Internet tranzaktsiialaryn qaýipsiz kodtaý siiaqty tehnologiialardan, HHI ǵasyrda básekege qabiletti bolý úshin qajet nárseniń bárinen ajyrattyq. Biz Resei ekonomikasynyń aldaǵy jyldarǵa ósý múmkindigine tosqaýyl qoiamyz", - dedi Baiden.

"Biz eýropalyq odaqtastarymyzben birlese otyryp, reseilik elita sanalatyndardyń aty-jóni men olardyń otbasy músheleriniń aty-jónin qamtityn tizim jasap jatyrmyz. Olar sanktsiiaǵa ilinedi. Osy oligarhtar jymqyrǵan orasan zor aqshany elestetip kórińizshi. Olardyń iahtalary júzdegen million dollar turady. Bul oligarhtar men olardyń otbasy músheleri budan bylai kapitaldaryn Eýropa men AQSh-ta saqtai almaidy jáne iahta, sándi villasyn qoldana almaidy. Biz Ýkrainany.... ýkraindardy óz elin qorǵaýǵa qajet qarý-jaraqpen qamtamasyz etýdi jalǵastyramyz", - dedi Amerika prezidenti.

Sarapshylar Batys engizgen sharalar nátijesi biyl Resei ekonomikasy kólemin 15 paiyzǵa qysqartady dep boljap otyr. Batys sarapshylarynyń pikirinshe, bul sanktsiialar saldarynan Resei ekonomikasy úlken derjava mártebesinen aiyrylýy múmkin.

Oqi otyryńyz