Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Arhitektor 17 jyl boiy áielderdi óltirip, máiitterdi tasjol boiyna kómip júrgen: Maniakty ustaýǵa ne kómektesti? Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty Qaraǵandy oblysyndaǵy jańa qýat kózderi, gazdandyrý jáne jylý: Nurlybek Nálibaev óńirdegi negizgi jobalarmen tanysty
Saiasat

AQSh "Pýtinniń aspazy" týraly aqparatqa syiaqy beriletinin jariialady

Ult portaly
AQSh "Pýtinniń aspazy" týraly aqparatqa syiaqy beriletinin jariialady


AQSh Memlekettik departamenti eldegi sailaýǵa sheteldik taraptan aralasý bolǵany týraly aqparatqa 10 million dollarǵa deiin syiaqy beriletinin jariialady, - dep habarlaidy Tengrinews.kz agenttigi.

Marapat kez kelgen sheteldik tulǵany, sonyń ishinde AQSh sailaýyna sanaly túrde qatysqan nemese aralasqan sheteldik tulǵany anyqtaýǵa kómektesetin aqparatqa beriledi. Ol memlekettik Ádilet departamentiniń "Ádilet úshin syiaqy" (Rewards for Justice) baǵdarlamasynda qarastyrylǵan.

"Departament "Internet-zertteýler agenttigi" JShQ (IRA), Evgenii Viktorovich Prigojin jáne olarmen bailanysty reseilik uiymdar men seriktesteriniń AQSh sailaýyna aralasýy týraly aqparat izdeidi.

IRA  - saiasi aralasý jáne sailaýǵa aralasýmen ainalysatyn reseilik uiym. 2014 jyly IRA AQSh-tyń saiasi júiesine, onyń ishinde 2016 jyly AQSh-taǵy prezidenttik sailaýǵa aralasý operatsiiasyn bastady, strategiialyq maqsat - alaýyzdyqty týdyrý. IRA birneshe reseilik kompaniialar arqyly jumys istedi, sonyń ishinde "Internet zertteýler" JShQ, "MediaSintez" JShQ, "Glavset" JShQ, "MiksInfo" JShQ, "Azimýt" JShQ jáne "NovInfo" JShQ", - delingen vedomstvo saitynda.

Memlekettik departament málimetinshe, Evgenii Prigojin Resei azamaty sanalady, ol ózi basqaratyn "Konkord Menedjment i Konsalting" JShQ jáne "Konkord Keitering" ("Konkord") kompaniialary arqyly IRA-ny qarjylandyrǵan.

AQSh Memlekettik departamenti IRA, Evgenii Prigojin jáne olarmen bailanystyrylǵan reseilik uiymdar jáne/nemese sailaýǵa aralasýǵa qatysy bar tulǵalar týraly aqparaty bar kez kelgen adamdy Rewards for Justice keńsesine habarlasýǵa shaqyrady.

Rewards for Justice - AQSh Memlekettik departamentiniń diplomatiialyq qaýipsizdik qyzmeti basqaratyn baǵdarlama. 1984 jyly qurylǵannan beri bul baǵdarlama AQSh-tyń ulttyq qaýipsizdigine tóngen qaterlerdi joiýǵa kómektesetin aqparat bergen dúniejúzindegi 125-ten asa adamǵa 250 million dollardan asa aqsha tólegen.

Evgenii Prigojin - reseilik kásipker, restorator, qoǵamdyq tamaqtandyrý kásipornynyń iesi. Prigojinniń kompaniiasy Reseide memlekettiń joǵary laýazymdy tulǵalaryn tamaqtandyrýmen ainalysqan, sonyń arqasynda ony BAQ-ta "Pýtinniń aspazy" dep ataidy.

Oqi otyryńyz