Siriia bosqyndary Iordaniia jerinde. 4 mamyr 2016 jyl. (Kórneki sýret)
AQSh prezidenti Donald Tramp Siriiadan bosqyn qabyldaýdy «tiisti sheshim qabyldanǵanǵa» deiin toqtata turý týraly jarlyqqa qol qoidy. Buǵan qosa, qujatta bosqyndarǵa qatysty qoldanystaǵy erejelerdiń tiimdiligin anyqtaǵanǵa sheiin AQSh jalpy bosqyn qabyldaýdy 120 kúnge toqtatyny aitylǵan.
"AQSh-ty radikaldy islamshyldardan qorǵaý úshin jańa sharalar qabyldadym. Biz olardyń osynda paida bolǵanyn qalamaimyz" degen Tramp juma kúni Pentagonda bolǵan kezde.
Sonymen birge AQSh 2017 jyly 50 myńǵa deiin bosqyn qabyldaýdy josparlap otyr jáne bosqyn mártebesin bergen kezde dini sebepter boiynsha qýǵyn kórgenderge basymdylyq beriletini habarlandy.
"Biz elimizdi qoldaityn jáne halqymyzdy súietinderdiń ǵana kelgenin qalaimyz" dep málimdegen Tramp.
Jarlyqta Siriiadan basqa elder atalmaǵan. Buǵan deiin AP jáne Reuters agenttikteri Aq úi ákimshiliginiń ýaqytsha shekteýi Iran, Irak, Liviia, Somali, Sýdan men Iemennen barǵan bosqyndarǵa qatysty dep habarlaǵan edi.
