AQSh Soltústik Koreia shielenisti ýshyqtyratyn "arandatýshy" is-áreketterin doǵarýy kerek dep málimdedi. Aq úi bul málimdemeni tamyzdyń 12-i kúni, AQSh prezidenti Donald Tramp Qytai prezidenti Si Tszinpinmen telefon arqyly sóileskennen keiin taratty. Pekin Vashingtondy Korei túbegindegi onsyz da shielenisti ahýalǵa teris áser etýi yqtimal"sóz ben is-áreketke" barmaýǵa shaqyrǵan.
Eki eldiń basshylary atalǵan aimaqta iadrolyq qarýdan bas tartý ideiasyn qoldaityndyǵyn aitqan.
Juma kúni Tramp AQSh armiiasy Soltústik Koreia tarapynan jasalýy yqtimal "oilanbaiǵan is-áreketke" qarsy "saqadai sai tur" dep málimdegen edi. Biraq keiin Niý-Djerside jýrnalister aldynda sóilegen sózinde ol Vashingtonnyń máseleni beibit jolmen sheshýge múddeli ekenin málimdegen.
Shilde aiynyń ózinde eki ret ballistikalyq zymyran synaqtaryn ótkizgeni úshin BUU Qaýipsizdik keńesi tamyzdyń 5-i kúni Soltústik Koreiaǵa qarsy sanktsiialardy kúsheitý týraly qarar qabyldaǵan. Óz zymyrandary "iadrolyq oqtumsyqty AQSh aýmaǵyna deiin jetkize alaty" týraly málimdegen Phenian halyqaralyq qaýymdastyq talabyna moiynsunbai otyr.
