اقش سولتٷستٸك كورەيا شيەلەنٸستٸ ۋشىقتىراتىن "ارانداتۋشى" ٸس-ەرەكەتتەرٸن دوعارۋى كەرەك دەپ مەلٸمدەدٸ. اق ٷي بۇل مەلٸمدەمەنٸ تامىزدىڭ 12-ٸ كٷنٸ, اقش پرەزيدەنتٸ دونالد ترامپ قىتاي پرەزيدەنتٸ سي تسزينپينمەن تەلەفون ارقىلى سٶيلەسكەننەن كەيٸن تاراتتى. پەكين ۆاشينگتوندى كورەي تٷبەگٸندەگٸ ونسىز دا شيەلەنٸستٸ احۋالعا تەرٸس ەسەر ەتۋٸ ىقتيمال"سٶز بەن ٸس-ەرەكەتكە" بارماۋعا شاقىرعان.
ەكٸ ەلدٸڭ باسشىلارى اتالعان ايماقتا يادرولىق قارۋدان باس تارتۋ يدەياسىن قولدايتىندىعىن ايتقان.
جۇما كٷنٸ ترامپ اقش ارميياسى سولتٷستٸك كورەيا تاراپىنان جاسالۋى ىقتيمال "ويلانبايعان ٸس-ەرەكەتكە" قارسى "ساقاداي ساي تۇر" دەپ مەلٸمدەگەن ەدٸ. بٸراق كەيٸن نيۋ-دجەرسيدە جۋرناليستەر الدىندا سٶيلەگەن سٶزٸندە ول ۆاشينگتوننىڭ مەسەلەنٸ بەيبٸت جولمەن شەشۋگە مٷددەلٸ ەكەنٸن مەلٸمدەگەن.
شٸلدە ايىنىڭ ٶزٸندە ەكٸ رەت بالليستيكالىق زىمىران سىناقتارىن ٶتكٸزگەنٸ ٷشٸن بۇۇ قاۋٸپسٸزدٸك كەڭەسٸ تامىزدىڭ 5-ٸ كٷنٸ سولتٷستٸك كورەياعا قارسى سانكتسييالاردى كٷشەيتۋ تۋرالى قارار قابىلداعان. ٶز زىمىراندارى "يادرولىق وقتۇمسىقتى اقش اۋماعىنا دەيٸن جەتكٸزە الاتى" تۋرالى مەلٸمدەگەن پحەنيان حالىقارالىق قاۋىمداستىق تالابىنا مويىنسۇنباي وتىر.
