Búgin, 22 maýsym kúni AQSh pen Resei delegattary Vena qalasynda kezdesip, eki el arasyndaǵy Iadrolyq strategiialyq shabýyl qarýlaryn odan ary qysqartý jáne shekteý jónindegi sharalar týraly kelisimdi (SNV-3) uzartýdy talqylaidy. Kezdesý eki kúnge sozylady.
AQSh ótken aptada qarýlanýdy baqylaý jónindegi arnaiy ókili Marshall Billingslidiń Avstriiaǵa saparlap, Resei syrtqy ister vitse-ministri Sergei Riabkovpen kezdesetinin habarlaǵan bolatyn.
Resei SNV-3 kelisimin uzartýǵa shaqyrǵan. Kelisimge sáikes, Resei men AQSh iadrolyq arsenalyn 1550 oqtumsyqtan asyrmaýy tiis. Bul iadrolyq qarýdy baqylaý jónindegi eki el arasyndaǵy sońǵy kelisim. Kelisimniń kúshi 2021 jyldyń aqpanynda aiaqtalady.
20 maýsym kúni Riabkov “Interfaks” agenttigine Reseidiń kelisimdi uzartýdyń qajetin kórsetetin dáiegi taýsyldy dep aitqan bolatyn.
"Biz Amerikalyqtarǵa uzartýdyń ne sebepti durys ekenin san márte túsindirdik... Sirá bul múmkindikti óz ustanymymyzdy bildirý úshin de paidalanamyz” dedi ol “Interfaksqa”.
AQSh kelisimge Qytaidyń qosylǵanyn qalaidy. Memlekettik departament kelisimdi uzartý jónindegi talqyǵa Qytaidyń da shaqyrylǵanyn málimdedi.
Qytai talqylaýǵa qatysýdan birneshe ret bas tartty. Qytai iadrolyq arsenalyn kúsheitip jatqanymen, onyń jalpy aýqymy AQSh pen Reseidikinen áldeqaida tómen.
