Eýropa odaǵy men AQSh Mianmada ótken aida bolǵan áskeri tóńikeriske qatysy bar adamdarǵa sanktsiia saldy. Tóńkeristen soń bilikke kelgender demokratiiashyl kózqarastaǵy mitingilerdi kúshpen taratyp, sonyń kesirinen kisi qany tógilgen.
22 naýryzda Eýroodaq Mianamada áskeri hýnta basshysy Min Aýn Hlainǵa jáne toǵyz joǵary laýazymdy áskeri tulǵaǵa, sonymen birge eldiń sailaý komissiiasynyń tóraǵasyna sanktsiia salý týraly sheshim shyǵardy. Sanktsiianyń sharttary boiynsha bul adamdarǵa viza boiynsha shekteý qoiylyp, aktivteri buǵattalady. Bular adamdardyń kóbi burynnan AQSh-tyń sanktsiia tiziminde turǵan. Tizimge Mianmadaǵy arnaiy operatsiialardy basqaratyn politsiia basshysy men eki áskeri qurylymy qosyldy.
1 aqpanda Ońtústik-Shyǵys Aziiadaǵy Mianmada áskeri tóńkeris bolyp, Aýn San Sý Chjidiń azamattyq úkimeti bilikten ketirilgen. El basyna kelgender zańdy sailanǵan úkimetke biraz aiyp taqqan, biraq Aýn San Sý Chji jaqtastary munyń bári oidan shyǵarylǵan aiyp dep esepteidi. Tóńeristen beri eldiń túkpir-túkpirinde áskeri úkimetke qarsy narazylyq bolyp jatyr. Kóterilisti basyp-janyshtaý kezinde 250-dei adam qaza tapty, 2600-ge tarta kisi tutqyndaldy.
Hýnta basshylarynyń aitýynsha, Aýn San Sý Chji partiiasy basym daýyspen jeńiske jetken byltyrǵy qarashadaǵy sailaý burmalaýmen ótken. 50 jyldai áskeri basshylyq qolastynda bolǵan Mianma azamattyq úkimet qurylǵannan keiin demokratiiaǵa bet túzedi dep sanalatyn.
