AQSh Memlekettik hatshysynyń azamattyq qaýipsizdik, demokratiia jáne adam quqyqtary jónindegi orynbasary Ýzra Zeia elimizde bolǵan qańtar qasiretin tergeý barysyna qatysty pikir bildirdi, dep habarlaidy QazAqparat.
«Biz Qazaqstanda oryn alǵan oqiǵalarǵa qatty alańdadyq. Úkimettiń osy oqiǵalarǵa qatysqandardyń barlyǵyn anyqtap, jaýapqa tartýǵa qatysty búkpesiz jaýabyn qoldaimyz. Biraq, sonymen qatar munyń barlyǵy zańnamaǵa sai bolýy tiis. Qazaqstanda adam quqyǵyn ilgerileýge qoldaý bildiremiz. Menińshe, bul qańtar oqiǵalarynan keiin barynsha ózekti bola tústi jáne ol sońǵy 30 jyldaǵy bizdiń ózara qarym-qatynasymyzdy pash etedi», - dedi ol búgin elimizdiń Syrtqy ister ministrliginde ótken kezdesýden keiin BAQ ókilderiniń saýalyna orai.
Osy rette QR Syrtqy ister ministriniń birinshi orynbasary Aqan Rahmetýllin de atalǵan máselege qatysty oiymen bólisti.
«Qańtar oqiǵalary búgingi dialogtyń eń birinshi sessiiasynyń taqyryby boldy. Oǵan tek qana SIM ǵana emes, sonymen birge quqyq qorǵaý organdarynyń ókilderi qatysty. Birinshi kezekte Bas prokýratýra ókilderi tergeý barysy jaily egjei-tegjeili jaýap berip, osy baǵytta memleket qabyldaǵan is-sharalar jaiynda aitty. Dialog jalǵasyp jatyr. Menińshe, amerikalyq tarap osy baǵyttaǵy ózara is-qimylymyzǵa qanaǵattandy», - dedi Aqan Rahmetýllin.
