Nursultan Nazarbaevtyń óńirlik jáne jahandyq aýqymda jaýapty basshy retinde kórsetken úlgisin moiyndaimyz. Bul týraly AQSh Memlekettik departamentiniń resmi ókiliniń orynbasary Robert Palladinonyń Nursultan Nazarbaevtyń Qazaqstan Respýblikasynyń Prezidenti ókilettigin toqtatýyna qatysty jasaǵan málimdemesinde aityldy, dep habarlaidy QazAqparat.
«Qurama Shtattar Tuńǵysh Prezident Nursultan Nazarbaevtyń AQSh pen Qazaqstan arasynda tyǵyz ári qarqyndy qarym-qatynasty ornatýǵa jáne ony alǵa jyljytýǵa qosqan úlesin joǵary baǵalaidy.
Qazaqstan úshin osy tarihi sátte búgingi zamanaýi, egemendi jáne gúldengen Qazaqstannyń negizin qalaýshy retinde N.Á.Nazarbaevtyń róline qurmet bildiremiz jáne óńirlik, jahandyq aýqymda jaýapty basshy retinde kórsetken úlgisin moiyndaimyz», - delingen málimdemede.
«Biz sondai-aq onyń iadrolyq qarýdy taratpaý salasyndaǵy eleýli eńbegine jáne denýklearizatsiia boiynsha jahandyq kúsh-jigerdegi kóshbasshylyǵyna, bilikti beibit jolmen tapsyrýdaǵy úlgi bolarlyq ustanymyna, sondai-aq Qazaqstanda jáne bútin óńirde beibitshilik pen gúldenýdi qamtamasyz etýge qosqan úlesine qoshemet bildiremiz.
Qazaqstanmen aradaǵy qarym-qatynasymyz gúldenýdiń ortaq idealdaryna, negizgi bostandyqtardy qurmetteýge jáne óńirlik qaýipsizdikke negizdelgen.
Qazaqstannyń jańa Prezidenti Qasym-Jomart Toqaevty quttyqtaimyz jáne eki el arasyndaǵy keń strategiialyq áriptestikti tereńdetý, ekonomikalyq damý, saýda jáne investitsiia salalarynda uzaqmerzimdi ózara múddelerimizdi alǵa jyljytý, sondai-aq óńirlik jáne jahandyq qaýipsizdikti qamtamasyz etý boiynsha birlesken jumysymyz jalǵasatynyna úmit artamyz», - delingen qujatta.
