AQSh qorǵanys ministri Lloid Ostin Tájikstannan úshinshi elge ketýdi tosyp júrgen aýǵan ushqyshtarynyń jaǵdaiyna alańdaitynyn jetkizdi, dep jazady Azattyq.
Bul ushqyshtardyń arasynda aiaǵy aýyr áiel de bar eken.
Aýǵanstandy "Taliban" qozǵalysy (Joǵarǵy sot sheshimine sáikes, Qazaqstanda qozǵalysqa tyiym salynǵan uiym) basyp alǵannan keiin, 143 aýǵan ushqyshy Tájikstanǵa qashyp kelgen. Olardy bastapqyda memlekettik ýniversitettiń jataqhanasyna ornalastyrǵan. Qazir taýly aimaqtaǵy demalys oryndarynyń birinde jatyr.
Ótken aptada Reuters agenttigi ushqyshtardyń birine silteme jasap, ushqyshtar óz qaýipsizdikterine alańdaidy dep habarlaǵan.
Kongress depýtaty, Respýblikashyldar partiiasynyń múshesi Ostin Skott "Tájikstanda ushqyshtardyń arasynda toǵyzynshy aiǵa júkti áiel bar. Biz olardy Tájikstannan shyǵaryp alýǵa kómektesýimiz kerek", - degen.
Depýtattyń kótergen máselesine Pentagon basshysy Lloid Ostin bul máseleni memlekettik departamentke jetkizetinin aitty.
