اقش قورعانىس مينيسترٸ للويد وستين تەجٸكستاننان ٷشٸنشٸ ەلگە كەتۋدٸ توسىپ جٷرگەن اۋعان ۇشقىشتارىنىڭ جاعدايىنا الاڭدايتىنىن جەتكٸزدٸ, دەپ جازادى ازاتتىق.
بۇل ۇشقىشتاردىڭ اراسىندا اياعى اۋىر ەيەل دە بار ەكەن.
اۋعانستاندى "تاليبان" قوزعالىسى (جوعارعى سوت شەشٸمٸنە سەيكەس, قازاقستاندا قوزعالىسقا تىيىم سالىنعان ۇيىم) باسىپ العاننان كەيٸن, 143 اۋعان ۇشقىشى تەجٸكستانعا قاشىپ كەلگەن. ولاردى باستاپقىدا مەملەكەتتٸك ۋنيۆەرسيتەتتٸڭ جاتاقحاناسىنا ورنالاستىرعان. قازٸر تاۋلى ايماقتاعى دەمالىس ورىندارىنىڭ بٸرٸندە جاتىر.
ٶتكەن اپتادا Reuters اگەنتتٸگٸ ۇشقىشتاردىڭ بٸرٸنە سٸلتەمە جاساپ, ۇشقىشتار ٶز قاۋٸپسٸزدٸكتەرٸنە الاڭدايدى دەپ حابارلاعان.
كونگرەسس دەپۋتاتى, رەسپۋبليكاشىلدار پارتيياسىنىڭ مٷشەسٸ وستين سكوتت "تەجٸكستاندا ۇشقىشتاردىڭ اراسىندا توعىزىنشى ايعا جٷكتٸ ەيەل بار. بٸز ولاردى تەجٸكستاننان شىعارىپ الۋعا كٶمەكتەسۋٸمٸز كەرەك", - دەگەن.
دەپۋتاتتىڭ كٶتەرگەن مەسەلەسٸنە پەنتاگون باسشىسى للويد وستين بۇل مەسەلەنٸ مەملەكەتتٸك دەپارتامەنتكە جەتكٸزەتٸنٸن ايتتى.
