AQSh kongresi ǵimaraty. (Kórneki sýret.)
AQSh kongresiniń ókilder palatasy 2017 jylǵa arnalǵan qorǵanys biýdjeti týraly qujat qabyldady. Kongress saitynda jariialanǵan qujatta Reseimen ekijaqty áskeri yntymaqtastyqty qarjylandyrýǵa tyiym salynatyny aitylǵan.
Máskeý anneksiialap alǵan Qyrym túbegin Ýkrainaǵa qaitarmaiynsha jáne Ýkrainanyń shyǵysyndaǵy separatisterdi qoldaýdy toqtatpaiynsha qorǵanys salasyndaǵy shekteýler kúshinde bolmaq. Qujatta atalǵan tyiymdy alyp tastaý úshin Resei Minskide jasalǵan kelisim sharttaryn oryndaýy qajet ekendigi aitylǵan.
Máskeý Ýkraina quramyndaǵy Qyrym túbegin 2014 jyly kóktemde anneksiialap alǵan. Keiin Ýkrainanyń shyǵysynda úkimet pen reseishil separatister arasynda qarýly janjal bastalǵan.
Halyqaralyq qaýymdastyq pen Ýkraina Máskeýdi Donbastaǵy separatisterge qoldaý kórsetip otyr dep aiyptaidy. Resei óz qarýly kúshteriniń Ýkrainanyń shyǵysyndaǵy janjalǵa qatysy baryn joqqa shyǵarady.
