اقش كونگرەسٸ عيماراتى. (كٶرنەكٸ سۋرەت.)
اقش كونگرەسٸنٸڭ ٶكٸلدەر پالاتاسى 2017 جىلعا ارنالعان قورعانىس بيۋدجەتٸ تۋرالى قۇجات قابىلدادى. كونگرەسس سايتىندا جارييالانعان قۇجاتتا رەسەيمەن ەكٸجاقتى ەسكەري ىنتىماقتاستىقتى قارجىلاندىرۋعا تىيىم سالىناتىنى ايتىلعان.
مەسكەۋ اننەكسييالاپ العان قىرىم تٷبەگٸن ۋكرايناعا قايتارمايىنشا جەنە ۋكراينانىڭ شىعىسىنداعى سەپاراتيستەردٸ قولداۋدى توقتاتپايىنشا قورعانىس سالاسىنداعى شەكتەۋلەر كٷشٸندە بولماق. قۇجاتتا اتالعان تىيىمدى الىپ تاستاۋ ٷشٸن رەسەي مينسكٸدە جاسالعان كەلٸسٸم شارتتارىن ورىنداۋى قاجەت ەكەندٸگٸ ايتىلعان.
مەسكەۋ ۋكراينا قۇرامىنداعى قىرىم تٷبەگٸن 2014 جىلى كٶكتەمدە اننەكسييالاپ العان. كەيٸن ۋكراينانىڭ شىعىسىندا ٷكٸمەت پەن رەسەيشٸل سەپاراتيستەر اراسىندا قارۋلى جانجال باستالعان.
حالىقارالىق قاۋىمداستىق پەن ۋكراينا مەسكەۋدٸ دونباستاعى سەپاراتيستەرگە قولداۋ كٶرسەتٸپ وتىر دەپ ايىپتايدى. رەسەي ٶز قارۋلى كٷشتەرٸنٸڭ ۋكراينانىڭ شىعىسىنداعى جانجالعا قاتىسى بارىن جوققا شىعارادى.
