AQSh-tyń Kolorado shtatyndaǵy sýpermarkette bolǵan atys saldarynan kem degende 10 adam qaza tapty. Bul týraly Boýlder qalasy politsiia basqarmasynyń Twitter-degi paraqshasynda habarlandy, dep habarlaidy "Ult aqparat".
«10 adam qaza tapty», - delingen málimdemede. Buǵan deiin BAQ atys saldarynan kem degende alty adam kóz jumǵanyn, olardyń arasynda oqiǵa ornyna kelip jetken quqyqqorǵaý organdarynyń qyzmetkeri bolǵanyn habarlaǵan. Tártip saqshylary qaza bolǵandardyń týystaryna habar berilgenshe, qurbandardyń naqty sanyn ataǵan joq.
Qalalyq politsiia basqarmasynyń ókili buǵan deiin atys saldarynan quqyqqorǵaý organdarynyń bir qyzmetkeri qaza bolǵanyn rastady. Boýlder politsiia departamentiniń bastyǵy Maris Gerold dúisenbi kúni ótken baspasóz konferentsiiasynda bul atys ornyna barǵan 51 jastaǵy politsiia qyzmetkeri Erik Telli ekenin naqtylady. Gerold, sondai-aq, qylmysker adamnyń ustalǵanyn rastady.
Qylmyskerdiń áreketine ne sebep bolǵany belgisiz, onyń esimi atalmai otyr. Politsiia basqarmasy basshysynyń aitýynsha, oqiǵany tergeý birneshe kúnge sozylýy múmkin.
Eske sala ketsek, dúisenbi kúni King Soopers sýpermarketiniń qasynda belgisiz bireý atys bastap, odan keiin dúkenniń ishine kirip oq jaýdyrǵan.
