AQSh kinoakademiiasy "Oskar" syilyǵyn tabystaý rásiminde bolǵan oqiǵadan keiin Ýill Smitke akademiia uiymdastyrǵan is-sharalarǵa qatysýǵa 10 jylǵa tyiym saldy, dep habarlaidy Sputnik Qazaqstan.
Eske sala keteiik, Ýill Smit júrizýshi – ázilqoi Kris Rokqa judyryq siltedi. Komik Smittiń áieli týraly orynsyz qaljyń aitqan bolatyn. Ýill Smittiń áieli – Djada Pinkett-Smit jaqynda óziniń alopetsiia, iaǵni shashtyń jartylai nemese tolyqtai túsýine alyp keletin aýrýǵa shaldyqqanyn aitty. Kris Rok sahnada turyp Djadany "Sarbaz Djein" filminiń ekinshi bóliginde túskenin qalaitynyn aitty. Al 1997 jyly jaryqqa shyqqan bul filmde aktrisa Demi Mýr áskeri boryshyn óteýge kirisken kezde shashyn taqyrlap alyp tastaidy.
"Búgin kinoakademiia basshylyǵy 2022 jyldyń 8 sáýirinen bastap Smit myrzaǵa kinoakademiianyń barlyq is-sharasyna qatysýǵa jáne virtýaldy formatta tamashalaýǵa 10 jylǵa tyiym salý týraly sheshim qabyldady. Bul "Oskar" syilyǵyn tabystaý saltanaty men basqa da sharalardy qamtidy", - dep jazylǵan amerikalyq kinoakademiia habarlamasynda.
Biraz buryn Smit óz bastamasymen kinoakademikter qatarynan ketti.
Dál osy saltanatty sharada akter "Korol Richard" filmindegi basty róli úshin músinshe aldy. Ol syilyqty alý kezinde qonaqtardyń aldynda óz áreketi úshin keshirim surady. Smittiń bul qylyǵy men kinoakademiia tarapynan eshqandai jaýap berilmeýi qoǵamda shý shyǵardy. Aita ketý kerek, ázilqoi politsiiaǵa shaǵymdanǵan joq.
"Oskar" syilyǵyn tabystaý sharasy ótken jyly qajyrly eńbek etken azamattar úshin merekege ainalýǵa tiis edi. Biraq Smit myrzanyń sahnadaǵy áreketi kóptiń kóńiline kirbiń saldy", - dep jazylǵan habarlamada.
Sonymen qatar is-sharany uiymdastyrýshylar oqiǵa bolǵan kúni birden jaýap bermegenderi úshin keshirim surap, kútpegen jaǵdaiǵa bailanysty abdyrap qalǵandaryn aityp aqtaldy.
