AQSh Memlekettik hatshysy Maik Pompeo Qazaqstannyń qaqtyǵys áreketter aimaǵynan azamattardy qaitarý boiynsha jumysyn atap ótti, dep habarlaidy QazAqparat.
Maik Pompeo Qazaqstannyń syrtqy ister ministri Muhtar Tileýberdimen bolǵan kelissózder barysynda taraptardyń qaýipsizdik máselelerin talqylaǵanyn málim etti.
«Men Aýǵanstanda beibitshilikti ornatý jáne taraptardyń tatýlasýy boiynsha bizdiń kúsh-jigerimizdi Qazaqstannyń turaqty qoldap kele jatqany úshin ministrge alǵys aittym. Irak pen Siriiadan lańkes-sodyrlar men olardyń otbasylarynyń elge oralýy boiynsha Qazaqstannyń kóshbasshylyǵyn atap óttim jáne ony aita beretin bolamyn. Men sizdiń ádilettik máselelerdegi mindettemelerińiz basqa elderdi rýhtandyrady dep úmittenemin», - dedi Maik Pompeo baspasóz máslihatynda.
Óz kezeginde, Qazaqstannyń syrtqy ister ministri Muhtar Tileýberdi qaqtyǵys júrip jatqan aimaqtardan – Siriia men Iraktan oralǵan azamattardy ońaltý jáne qaita integratsiialaý jónindegi memlekettik departamentpen birge seriktestiktiń jalǵasyp jatqanyn habarlady.
