Dúisenbi kúni AQSh-tyń qarjy ministri Djannet Iellen Resei Ortalyq bankiniń buǵattalǵan aktivteri men Ekinshi dúniejúzilik soǵys kezinde gitlerlik Germaniia basyp alǵan elderge salynǵan sanktsiialardy salystyrdy. Bul jóninde Reuters aqparat agenttigi habarlady, dep habarlaidy Azattyq.
Varshavadaǵy Polsha evreilerine arnalǵan mýzeide sóilegen Iellen 1940 jyly AQSh-tyń sol kezdegi prezidenti Franklin Rýzvelttiń Norvegiia men Daniianyń aktivterine salǵan sanktsiiasyn eske aldy. Bul shara Germaniia jaýlaǵan elderdiń shetel bankterindegi qarjysyn paidalanýǵa jol bermeý úshin jasalǵan.
Iellenniń sózinshe, ótken kezeńniń sabaqtary Reseige qarsy turýǵa arnalǵan strategiiany jasaý kezinde paidaly bolǵan.
"Tiraniiaǵa qarsy qoldaǵy barlyq quraldarymyzdy padalanýymyz kerek. Ótken tájiribe búgin de paidaly... Biz Reseidi jaýapqa tartýǵa jáne Ýkrainaǵa qoldaý kórsetýge meilinshe yntaly bolyp otyrmyz" dedi Iellen.
Resei áskeri Ýkrainaǵa basyp kirgen soń AQSh pen Eýropa odaǵy Resei bankiniń aktivterin buǵattap, Reseidiń altyn valiýta qorynyń úshten ekisine jýyǵyna Resei úkimetiniń qoly jetpestei etken.
Reseige salynǵan sanktsiialardyń maqsaty – Reseidi Ýkrainada soǵys júrgizý múmkindiginen aiyrý. Vladimir Pýtinniń ainalasyndaǵylar men Resei úkimetimen tyǵyz bailanystaǵy milliarderlerge de qarjy-ekonomikalyq sanktsiia salynǵan.
