AQSh Prezidenti Donald Tramptyń ákimshiligi áleýmettik jelilerge qatysty máseleler talqylanatyn kezdesýge Facebook pen Twitter-di shaqyrmady, dep xabarlaidy CNN.
Áleýmettik jelidegi jańa minez-qulyq erejelerin ázirleý máselesine arnalǵan otyrys 11 shilde kúni Aq úide ótpek.
Telearnanyń xabaryna súiensek, biliktiń osyndai sheshimge kelýi o bastan belgili bolǵan.
Facebook jáne Twitter kompaniialarynyń paiymdaýynsha, áleýmettik jelilerdiń ziiandy aqparattardy óshirý sharalaryna arnalǵan pikirtalas ymyramen tarqaýy múshkil.
Óitkeni kezdesýge negizinen konservativtik saiasi pikir jaqtastary qatysady. Al olar Facebook pen Twitter-diń násilshildikti órshitetin jazbalardy buǵattaý saiasatyna burynnan qarsylyq tanytyp keledi.
Aita keteiik, Facebook 2018 jyldyń alǵashqy toqsanynda yǵyr etetin jarnamasy bar 837 mln xabarlamany, kúsh qoldanýdy nasixattaityn 3,4 mln jazbany, ashyq videolar men sýretteri bar 21 mln postty, terroristik toptardyń úgitteri bar 1,9 mln jazbany, ultaralyq jáne násilshildik arazdardy órshitetin 2,5 mln jazbany óshirgen.
