AQSh-tyń ekonomikasy jeti jyldan beri órleý ústinde. Burynǵy Prezident Obama sotsial-demokrattyq baǵyttaǵy saiasat júrgizgen. Obama Meksikadan jáne basqa elderden immigrant-jumyssyzdardy kirgize berdi. Sebebi AQSh ekonomikasy immigranttarǵa táýeldi bolatyn.
AQSh ekonomikasynyń ósýi, onyń birqatar salalarynyń joiylýyna ákeldi. Ásirese eski indýstriia fabrikalary men zavodtary toqtap jatyr. Sonymen AQSh-tyń ósýi postindýstrialdyq baǵytqa bailanysty. Endi shoiyn óndirý, keibir eski indýstrialyq mashina, traktor jasaý salalar toqtap tot basyp Rust belt-rjavyi poias atalyp keledi. Endi óziniń baǵdarlamasyna sáikes Tramp "Obama care" zańyn joidy.
Amerika Qurama Shtattarynda - densaýlyq saqtaý reformasy 2010 jyly bastalǵan. 20 mln adam qoljetimdi meditsinalyq kómek alatyn boldy, biraq bul meditsinalyq kómek biýdjetke aýyr tigen eken. Taǵy bir jańalyq, Tramp AQSh kapitaly shet elderge qashpasyn dep, oǵan qarsy sharalar qoldanbaq, immigranttardy kirgizbeiik, shekaradan shet el taýary ótpesin dep úlken baj-salyq salyp otyr. AQSh kapitaly shet elge ketpesin dep otyr. Bul áreketter naryqtyq printsipterdi buzýshylyq bolady.
Tramp dóreki minezdi milliarder kórinedi: ol AQSh-tyń iri baspasózi jáne teledidarymen bir qabat jańjaldasyp aldy, AQSh senatorlarymen aiqasyp, súikimin taǵy da ketirdi. Áielderdi kemsite sóilegeni úshin oǵan qarsy úlken sherýler júrdi. Sol sherýlerde álemge áigili ánshi Madonna ony úsh márte boqtady: fucking you, fuck up dep. Al búkil Amerikaǵa qorlanǵan Tramp ony Madonnany nasty woman dep atady. Bul sózderdiń aýdarmasy - protivnaia jenshina, qazaqshasy jaǵymsyz áiel emes, odan da aýyr.
Týra aitqanda, keshe ǵana Prezident taǵyna otyrǵan adam qatynmen qatynsha aitysty. Taǵy bir soraqylyǵy: Men Pýtin men qatynastardy jaqsartam degeni. Reseidiń Ýkrainaǵa shabýyl jasap, Qyrymdy tartyp alǵanyn keshirmek eken. Evropalyq Odaq AQSh-qa odaqtas bola ma belgisiz dep, NATO-nyń bolashaǵy neǵaibyl dep júr. Bul da jańa AQSh prezidentiniń ańdamai sóileitin adam ekenin kórsetedi. AQSh prezidentiniń reiting-abyroiy kúrt tómen túsip ketti. Aqylsyz deiin deseń, ol osyndai parasatpen qalai milliarder boldy degen suraq týyndaidy, sonda ol bundai júgensiz minezben AQSh-qa qalai prezident bolady? AQSh eli onyń jeke menshik korporatsiiasy emes qoi.
Ázimbai Ǵali,
