AQSh ulttyq barlaý qyzmetiniń jetekshisi Evril Heins sanktsiialar men soǵystaǵy sátsizdikter Resei basshysy Vladimir Pýtindi Ýkraina boiynsha alǵan baǵytynan taidyra almaityn tárizdi, tipti jaǵdai odan ári ýshyǵýy múmkin dep eskertti.
8 naýryzda AQSh ókilder palatasynda ǵalamdyq qaýipsizdik boiynsha ótken tyńdaýda Geins Ýkrainadaǵy soǵystyń shyǵyny (myńdaǵan Resei soldaty qaza bolǵan degen derek bar) kóbeiip bara jatqanyn alǵa tartyp, bul jait Pýtindi alańdatsa da, ol jaǵdaidy onan ári ýshyqtyrýdan taiynbaityn tárizdi dedi.
"Bizdiń sarapshylar Pýtindi mundai sátsizdikter alańdatpaidy jáne tipti jaǵdaidy ýshyqtyryp jiberýi múmkin dep sanaidy" dedi Heins.
AQSh-tyń pikirinshe, Máskeý Ýkrainanyń shabýylǵa tótep berý múmkindigin jete baǵalamaidy. Biraq Pýtin kóbirek resýrs bólip, Ýkrainany tutas jaýlap alýǵa tyrysa ma, álde "keibir aimaqtarmen ǵana shektele me" ol jaǵy belgisiz.
