اقش ۇلتتىق بارلاۋ قىزمەتٸنٸڭ جەتەكشٸسٸ ەۆريل حەينس سانكتسييالار مەن سوعىستاعى سەتسٸزدٸكتەر رەسەي باسشىسى ۆلاديمير پۋتيندٸ ۋكراينا بويىنشا العان باعىتىنان تايدىرا المايتىن تەرٸزدٸ, تٸپتٸ جاعداي ودان ەرٸ ۋشىعۋى مٷمكٸن دەپ ەسكەرتتٸ.
8 ناۋرىزدا اقش ٶكٸلدەر پالاتاسىندا عالامدىق قاۋٸپسٸزدٸك بويىنشا ٶتكەن تىڭداۋدا گەينس ۋكرايناداعى سوعىستىڭ شىعىنى (مىڭداعان رەسەي سولداتى قازا بولعان دەگەن دەرەك بار) كٶبەيٸپ بارا جاتقانىن العا تارتىپ, بۇل جايت پۋتيندٸ الاڭداتسا دا, ول جاعدايدى ونان ەرٸ ۋشىقتىرۋدان تايىنبايتىن تەرٸزدٸ دەدٸ.
"بٸزدٸڭ ساراپشىلار پۋتيندٸ مۇنداي سەتسٸزدٸكتەر الاڭداتپايدى جەنە تٸپتٸ جاعدايدى ۋشىقتىرىپ جٸبەرۋٸ مٷمكٸن دەپ سانايدى" دەدٸ حەينس.
اقش-تىڭ پٸكٸرٸنشە, مەسكەۋ ۋكراينانىڭ شابۋىلعا تٶتەپ بەرۋ مٷمكٸندٸگٸن جەتە باعالامايدى. بٸراق پۋتين كٶبٸرەك رەسۋرس بٶلٸپ, ۋكراينانى تۇتاس جاۋلاپ الۋعا تىرىسا ما, ەلدە "كەيبٸر ايماقتارمەن عانا شەكتەلە مە" ول جاعى بەلگٸسٸز.
