Qytai biligi koronavirýs indetinen kóz jumǵandar men virýs juqtyrǵandar týraly resmi derekti burmalaǵan. Bloomberg agenttiginiń habarlaýynsha, Aq úige qupiia baiandamasyn tanystyrǵan Amerika barlaý qyzmeti osyndai qorytyndyǵa kelgen.
Bloomberg agenttiginiń derekkózi baiandama týraly qosymsha aqparat bermegen. Qytai biligi Ýhan qalasynda jeltoqsan aiynda taraǵan virýstan 3300 adam kóz jumdy, 82 myńnan astam adamǵa virýs juqty dep málimdegen edi.
AQSh-ta 200 myńnan astam adamǵa virýs juqqan, tórt myńnan astam adam qaitys bolǵan.
"Qytai ashyq bolǵanda jaǵdai áldeqaida jaqsyraq bolar ma edi. Qytaida virýs paida bolǵany týraly aqparat álemge taralǵanǵa deiin epidemiia bir ai buryn bastalǵan bolýy múmkin" dedi sársenbi kúni AQSh vitse-prezidenti Maik Pens. Prezident Tramp Amerika barlaý qyzmetiniń baiandamasymen áli tanyspaǵanyn aityp, Pekin bergen derekti "jumsaqtap aitqanda tolyq emes" dep atady.
Epidemiianyń shynaiy aýqymyn kórsetý koronavirýstyń taralýyn modeldeý úshin mańyzdy jáne onymen kúrestiń tiimdiligin baǵalaý úshin óte qajet. Seisenbi kúni koronavirýspen kúres jónindegi Tramptyń keńesshisi, immýnolog Debora Birks Pekin bergen aqparat koronavirýstyń taralý jyldamdyǵy men damý tabiǵatyna áser etti dep aitty.
Ýhandaǵy jerleý mekemeleriniń órtelgen máiitti salatyn saýytqa kóp tapsyrys bergeni týraly derek bar. Týystarynyń kúlin alý úshin mekeme aldynda uzyn-sonar kezek paida bolǵan. Bul koronavirýstan óte kóp adamnyń qaitys bolǵanyn dáleldeidi. Keibir derek boiynsha, Qytaida virýstan qaitys bolǵandar sany 40 myńnan asyp ketken.
