AQSh-tyń aýrýdyń aldyn alý jáne baqylaý jónindegi ortalyǵy 14 aqpanda Ázerbaijan men Belarýsti koronavirýs juqtyrý qaýpi óte joǵary elder tizimine qosty, dep habarlaidy Azattyq.
Bul ortalyq AQSh azamattaryna tizimdegi elderge barýdan tartyna turý, asa qajet bolǵan jaǵdaida vaktsina merzimin tekserip alý jóninde keńes bergen. COVID-19 qaýpi asa joǵary tórtinshi deńgeige jetken elder ishinde Ońtústik Koreia da bar. Qazaqstan bul tizimde "juqtyrý qaýpi belgisiz" elder sanatynda tur.
Ótken aida Kanadada shekara asatyn júk kólikteriniń júrgizýshilerinen vaktsina talap etý jónindegi bastamaǵa bailanysty qarsylyq týyndaǵanda premer-ministr Djastin Triýdo bul zańdy tótenshe jaǵdaida engizýge daiyn ekenin málimdegen. Kornavirýs infektsiiasyna bailanysty shekteýlerge qarsylyq kezinde Kanada astanasynyń birqatar aýdandaryn demonstranttar jaýyp tastaǵan.
"Mundai áreketter ekonomikamyzǵa nuqsan keltirip, qoǵamdyq qaýipsizdikke qater tóndiredi" dedi Triýdo. Kanadanyń 10 provintsiiasynyń tórteýiniń basshysy mundai bastamanyń qajettiligi joq dep sanaidy. Tótenshe shara qoldanýdy Kanada parlamenti jeti kún ishinde qaraýǵa tiis.
