NASA astronavty Mark Vande Hai Halyqaralyq ǵarysh stansasynyń (HǴS) bortynan Qazaqstan Respýblikasyn Táýelsizdiktiń 30 jyldyǵymen, sondai-aq AQSh-pen dostyqtyń 30 jyldyǵymen quttyqtady, dep habarlaidy QazAqparat.
«Men óz atymnan jáne ekipajymnyń atymnan Qazaqstandy Táýelsizdiktiń 30 jyldyǵymen, sondai-aq Qazaqstan-Amerika qarym-qatynasynyń 30 jyldyǵymen quttyqtaimyn», - dep atap ótti Mark Vande Hai HǴS-taǵy borttan.
Sondai-aq ol 30 jyl buryn Qurama Shtattardyń Qazaqstannyń táýelsizdigin moiyndaǵan alǵashqy elderdiń biri ekenin atap ótti. Sodan beri eki el barlyq salalarda, sonyń ishinde ǵaryshty meńgerýde tyǵyz qarym-qatynas pen yntymaqtastyq ornatty.
«Maǵan Qazaqstandaǵy Baiqońyr ǵarysh ailaǵynan osy úlken orbitalyq zerthanaǵa eki ret ushý baǵy buiyrdy. Qazaqstannyń qoldaýynyń arqasynda mańyzdy jumysty jalǵastyryp jatyrmyz», - dedi NASA astronavty.
