Aqsai qalasynda kópqabatty úidiń qabyrǵasyna belgili ánshi Batyrhan Shúkenovtiń sýreti salyndy, dep habarlaidy QazAqparat.
Aýdan ákiminiń orynbasary Alpamys Kóshkinbaevtyń aitýynsha, atalmysh jeti qabatty úi Halyqtar dostyǵy kóshesi boiynda ornalasqan.
Budan buryn Jeńistiń 75 jyldyǵyna orai osy kóshedegi 9 qabatty úidiń qabyrǵasyna Keńes Odaǵynyń Batyry, jazýshy Baýyrjan Momyshulynyń beinesi salynǵan edi.
Mundaǵy maqsat – el tarihynda oryn alatyn belgili tulǵalarǵa qurmet kórsetý. Biylǵy mereitoilarǵa orai mýral salý ideiasyn aýdan ákimdigi kóterse, jergilikti KIOS kompaniiasy qarjylai qoldaý kórsetti.
«Eki mýraldy da Unicorns dep atalatyn oraldyq qyz ben jigit saldy. Qalanyń ortalyq kósheleriniń boiynda turǵan beinelerdi Shyńǵyrlaý aýdany men Qarashyǵanaq kenishinen keletin kópirden túskende, negizgi jolmen keletinderdiń bári kóredi. Aldaǵy ýaqytta bul is jalǵasyn taýyp, buiyrsa, uly aqynymyz Abaidyń beinesi de asqaqtap turatyn bolady», dedi Alpamys Kóshkinbaev.
