2020 jyly elektrondy tsifrly qoltańbany zańsyz berý men onyń tiisti deńgeide qorǵalmaýyna qatysty 30-dan astam fakti anyqtaldy. Bul týraly QR Tsifrlyq damý, innovatsiialar jáne aeroǵarysh ónerkásibi ministrligi Aqparattyq qaýipsizdik komitetiniń tóraǵasy Rýslan Ábdiqalyqov málim etti, dep habarlaidy QazAqparat.
«Elektrondy tsifrlyq qoltańbanyń (ETsQ) qol qoiatyn adamnyń ózi qol qoiǵanymen birdei dárejesi jáne teńdei zańnamalyq kúshi bar. Bizge bóten adamdarǵa ETsQ-ny zańsyz berýi faktisine qatysty biraz shaǵymdar men materialdar kelip túsip jatyr. Osy oraida keńinen taraǵan jaǵdailarǵa toqtalǵym keledi, iaǵni uiym basshysy ózine tiesili ETsQ-ny qaraýsyz qaldyrady nemese jumystan shyqqan qyzmetshilerdiń ETsQ-sy qaitarylmaidy, sondai-aq ózderiniń elektrondy tsifrly qoltańbasyn basqa qyzmetshilerge beredi. Osynyń saldarynan ETsQ-ny zańsyz paidalaný jaǵdaiy oryn alady. Bul rette ETsQ-ny zańsyz berý arqyly senimgerlik rásimdelip, qarjylyq qujattarǵa qol qoiylǵan oqiǵalar anyqtaldy», - dedi R. Ábdiqalyqov Ortalyq kommýnikatsiialar qyzmetinde.
Onyń aitýynsha, ETsQ-ny zańsyz berý boiynsha ákimshilik ister qozǵalyp, 15-ten 50 AEK-ke deiin jaza qarastyrylǵan. 2020 jyly elektrondy tsifrly qoltańbany zańsyz berý men onyń tiisti deńgeide qorǵalmaýyna qatysty 30-dan astam fakti anyqtaldy. 2021 jyly osy baǵytta 6 is qaraldy.
«Osyǵan bailanysty ózderińizge tiesili elektrondy tsifrly qoltańbany basqa adamdarǵa bermeýge jáne qaraýsyz qaldyrmaýǵa shaqyramyz. Sizden bógde adamdar ETsQ-ny talap etýge quqyly emes ekenin eske salamyz», - dedi Aqparattyq qaýipsizdik komitetiniń tóraǵasy.
