Eldegi aqparatqa qol jetkizý salasynyń álsiz jáne basym tustary belgili boldy, dep habarlaidy QazAqparat.
Prezident Qasym-Jomart Toqaev Úkimetke Qazaqstandaǵy aqparatqa qol jetkizý salasynyń búgingi ahýaly týraly esep daiyndap, engizýdi tapsyrǵan bolatyn. Aqparat jáne qoǵamdyq damý ministrligi Aqparatqa qol jetkizý másleleri jónindegi komissiianyń otyrysynda sol eseptiń jobasyn tanystyrdy.
Memleket pen qoǵam kommýnikatsiialaryn damytý departamentiniń direktory Bekzat Rahimovtyń aitýynsha, biyl birinshi ret ázirlengen bul esep Ekonomikalyq seriktestik jáne damý uiymynyń usynymy boiynsha qolǵa alynǵanyn eske saldy.
«Esep 2020 jyldy qamtidy. Sonymen birge 2015 jyly qabyldanǵan Aqparatqa qol jetkizý týraly zańnyń kúshine engen kezden bastap salada oryn alǵan ózgeristerdiń jalpylama taldaýy da bar. Aqparattardyń negizgi ielenýshisi bolǵandyqtan, esep negizinen memlekettik organdardyń jumysyna baǵyttalǵan. Qoǵamdyq mańyzy bar aqparattardyń elge jetýin jáne qoljetimdi bolýyn qamtamasyz etýge birinshi kezekte osy organdar mindetti. Aldaǵy esepterde búkil aqparat ielerin qamtý josparlanyp otyr. Bull jolǵy esepte áleýmettik jáne analitikalyq zertteýlerdiń qorytyndysy, qazaqstandyq jáne halyqaralyq qaýymdastyqtyń baǵalaýy kórinis tapqan», - dedi ministrlik mamany.
Departament direktory aqparattyń qol jetkizýdiń qazaqstandyq modelin taldaý kezinde mynandai basym tustardy anyqtaǵan.
Birinshiden, aqparatqa qol jetkizýdi retteitin zań men onyń jumys isteýine jaǵdai jasaityn zańnamalyq normalar bar. Ekinshiden, Aqparatqa qol jetkizý týraly zańnyń talaptary tek memleketti organdarǵa ǵana emes, kvazimemlekettik sektorǵa da, memlekettik qyzmet atqarýshylarǵa da birdei mindet etiledi. Aqparattyń qoljetimdiligi qamtamasyz etetin zamanaýi tehnologiialar men tásilderdiń bar bolýy da basym tus retinde baǵalanyp otyr.
«Aqparattyń qoljetimdiligin baqylaityn quzertti organ bar jáne árbir memlekettik organda osyǵan jaýapty quzyretti tulǵa bar. Aqparatqa qol jetkizý jónindegi komissiia qoǵamdyq pikir men múddeni eskerip otyrady. Memlekettik organdardyń ashyqtyǵyn jyl saiyn baǵalap otyrý jolǵa qoiylǵan», - deidi Bekzat Rahimov.
Sondai-aq, ol salanyń álsiz tustaryna da toqtaldy. Esep jobasyna súiensek, birinshi osal tus – Aqparatqa qol jetkizý týraly zańda shekteýler men «erekshelikterdiń» bolýy. Memleket pen qoǵam kommýnikatsiialaryn damytý departamentiniń direktory Bekzat Rahimovtyń aitýynsha bul tetikter zańnyń quqyqtyq qoldanys aiasyn taryltýy múmkin.
«Ekinshi - azamattyń aqparatqa qol jetkizý quqyǵy buzylǵan jaǵdaida shaǵym bildirý jáne baqylaý tetiginiń joqtyǵy. Úshinshi – Aqparatqa qol jetkizý týraly zańdy oryndamaǵany úshin jaýapkershiliktiń joqtyǵy. Tórtinshi – «Ashyq úkimet» portalynyń tehnikalyq turǵydan eskirýi jáne qolaisyzdyǵy. Besinshi - memlekettik organdardaǵy bólimshelerdiń aqparatqa qol jetkizýdi qamtamasyz etetin ýákiletti tulǵalardyń kásibi deńgeiiniń tómen bolýy jáne vedomstvonyń aqparattyq ashyqtyqqa qaldyqtyq printsippen qaraý. Altynshy – halyqtyń quqytyq saýattylyǵynyń tómendigi jáne bilýge quqyly ekenin túsiný deńgeiiniń álsizdigi», - dedi ministrlik ókili.
