Jańadan qurylǵan Qazaqstan Respýblikasynyń Aqparat jáne qoǵamdyq damý ministri bolyp Dáýren Abaev taǵaiyndaldy.
QR Parlamenti Májilisiniń Áleýmettik-mádeni damý komitetiniń otyrysynda Aqparat jáne qoǵamdyq damý ministri laýazymyna Dáýren Abaevtyń kandidatýrasy maquldandy.
Dáýren Áskerbekuly Abaev 2001 jyly Ál-Farabi atyndaǵy Qazaq ulttyq ýniversitetin, 2006 jyly Leiden ýniversitetin támamdady.
2001 jyldyń tamyzy men 2003 jyldyń tamyzy aralyǵynda Qazaqstan Respýblikasy Syrtqy ister ministrliginiń ortalyq apparatynda jumys istedi.
2003 jyldyń mamyry men 2007 jyldyń mamyry aralyǵynda Qazaqstan Respýblikasynyń Ázerbaijandaǵy jáne Niderland Koroldigindegi Elshilikterinde diplomatiialyq qyzmet atqardy.
2007 jyldyń mamyry men 2007 jyldyń jeltoqsany aralyǵynda — Qazaqstan Respýblikasy Syrtqy ister ministrliginiń Baspasóz qyzmeti bóliminiń bastyǵy.
2007 jyldyń jeltoqsany men 2008 jyldyń jeltoqsany aralyǵynda – Qazaqstan Respýblikasy Prezidenti Protokolynyń bas sarapshysy, konsýltanty.
2008 jyldyń jeltoqsany men 2009 jyldyń qazany aralyǵynda — Qazaqstan prezidenti baspasóz hatshysynyń orynbasary.
2009 jyldyń qazanynan — Qazaqstan prezidenti Ákimshiliginiń Memlekettik baqylaý jáne aýmaqtyq-uiymdastyrý jumysy bóliminiń memlekettik inspektory.
2011-2016 jylǵy 6 mamyrǵa deiin Qazaqstan prezidentiniń baspasóz hatshysy, keńesshisi qyzmetin atqardy.
2016 jylǵy 6 mamyrda QR Aqparat jáne kommýnikatsiialar ministri bolyp taǵaiyndaldy
«Parasat» jáne «Kurmet» ordenderimen, sonymen qatar merekelik medaldarmen nagradtalǵan.
