Aqordanyń baspasóz qyzmeti QR Prezidenti Nursultan Nazarbaevtyń Qazaqstan Respýblikasynyń memlekettik basqarý júiesin odan ári jetildirý jónindegi sharalar týraly Qaýlysyn jariia etti, dep habarlaidy "Ult aqparat".
Qazaqstan Respýblikasy Konstitýtsiiasynyń 44-babynyń 3) tarmaqshasyna sáikes memlekettik basqarý júiesin jańǵyrtý jáne tiimdiligin arttyrý maqsatynda QAÝLY ETEMIN:
1. Mynalar:
1) Qazaqstan Respýblikasynyń Qoǵamdyq damý ministrligi, oǵan Qazaqstan Respýblikasynyń Aqparat jáne kommýnikatsiialar ministrliginen aqparat salasyndaǵy fýnktsiialary men ókilettikteri berile otyryp, ony Qazaqstan Respýblikasynyń Aqparat jáne qoǵamdyq damý ministrligine qaita qurý jolymen;
2) Qazaqstan Respýblikasynyń Qorǵanys jáne aeroǵarysh ónerkásibi ministrligi, oǵan Qazaqstan Respýblikasynyń Aqparat jáne kommýnikatsiialar ministrliginen bailanys, aqparattandyrý, «elektrondyq úkimet», memlekettik qyzmetterdi kórsetý salasyndaǵy memlekettik saiasatty damytý salasyndaǵy fýnktsiialary men ókilettikteri berile otyryp, Qazaqstan Respýblikasynyń Tsifrlyq damý, qorǵanys jáne aeroǵarysh ónerkásibi ministrligine qaita qurý jolymen qaita uiymdastyrylsyn.
2. Qazaqstan Respýblikasynyń Aqparat jáne kommýnikatsiialar ministrligi taratylsyn.
3. Qaita uiymdastyrylatyn memlekettik organdar, beriletin fýnktsiialar men ókilettikterge sáikes, taratylatyn jáne qaita uiymdastyrylatyn memlekettik organdardyń quqyqtary men mindettemeleriniń quqyqtyq mirasqorlary bolyp belgilensin.
4. Qazaqstan Respýblikasynyń Úkimeti:
1) Qazaqstan Respýblikasynyń Prezidenti Ákimshiligimen kelisý boiynsha qaita uiymdastyrylatyn jáne taratylatyn memlekettik organdar men olarǵa vedomstvolyq baǵynysty uiymdardyń shtat sanyn qaita bólýdi;
2) osy Jarlyqty iske asyrý boiynsha ózge de sharalardyń qabyldanýyn qamtamasyz etsin.
5. «Qazaqstan Respýblikasy Úkimetiniń qurylymy týraly» Qazaqstan Respýblikasy Prezidentiniń 1999 jylǵy 22 qańtardaǵy № 6 Jarlyǵyna mynadai ózgerister engizilsin:
1-tarmaqta:
myna:
«Qazaqstan Respýblikasynyń Qorǵanys jáne aeroǵarysh ónerkásibi ministrligi;
Qazaqstan Respýblikasynyń Qoǵamdyq damý ministrligi;»
degen joldar mynadai redaktsiiada jazylsyn: «Qazaqstan Respýblikasynyń Tsifrlyq damý, qorǵanys jáne aeroǵarysh ónerkásibi ministrligi;
Qazaqstan Respýblikasynyń Aqparat jáne qoǵamdyq damý ministrligi;»;
«Qazaqstan Respýblikasynyń Aqparat jáne kommýnikatsiialar ministrligi» degen jol alyp tastalsyn.
6. Osy Jarlyqtyń oryndalýyn baqylaý Qazaqstan Respýblikasy Prezidentiniń Ákimshiligine júktelsin.
7. Osy Jarlyq qol qoiylǵan kúninen bastap qoldanysqa engiziledi.
Qazaqstan Respýblikasynyń
Prezidenti N. Nazarbaev
Astana, Aqorda, 2019 jylǵy 25 aqpan
№848
